Egistiń 27% jınaldy – mınıstr Saparov

ASTANA. QazAqparat – Búgin Memleket basshysy Qasym-Jomart Toqaev pen Albanııa Prezıdenti Baıram Begaıdyń Aqordadaǵy kezdesýi aldynda Aýyl sharýashylyǵy mınıstri Aıdarbek Saparov tilshilerge kúzgi egis naýqany qalaı júrip jatqanyn aıtty, dep habarlaıdy QazAqparat.

«Boljam aıtýǵa erte. Búginge deıin 27% jınadyq. Iá, osymen ekinshi apta jaýyn-shashyn júrip jatyr. Úsh negizgi astyqty óńir toqtap tur. Komıssııa qurdym, olar Qostanaı oblysyna attandy. Ol jerde kezdesýler ótkizedi. Aýdandardy aralap kóredi, sodan keıin ǵana bıylǵy boljamdy aıta alamyz», - dedi mınıstr.

Sondaı-aq vedomstvo basshysy jýrnalıster suraǵyn jaýap bere otyryp, Qazaqstan Albanııaǵa astyq pen maıly daqyldar eksporttaýǵa daıyn ekenin aıtty.

«Albanııada aýyl sharýashylyǵy damyǵan. Ózderin tolyq qamtamasyz etip otyr. Olardyń tarapynan suranys bolsa, biz daıynbyz. Dándi daqyldardan bastap maıly daqyldarǵa deıin jetkizýge daıynbyz», - dedi Aıdarbek Saparov.

Aıta keteıik, búgin Prezıdent Qasym-Jomart Toqaev Aqordada Albanııa Prezıdenti Baıram Begaımen kezdesip jatyr.

Sapar aıasynda eki el basshylary erteń saýda-ekonomıkalyq, kólik-logıstıkalyq, ınvestıtsııalyq jáne gýmanıtarlyq salalardaǵy yntymaqtastyqty nyǵaıtý máseleleri boıynsha kelissózder júrgizedi.

Sonymen qatar prezıdentter halyqaralyq jáne óńirlik jaǵdaılar jóninde pikir almasady dep kútiledi.