Egis sýarýǵa jumsalatyn sýdyń 97 paıyzyn ońtústiktegi 4 óńir ıgerip otyr
Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev Úkimet otyrsynda málim etti.
«Barlyq sý toǵanynan turaqty sýarýǵa shamamen 11,6 tekshe shaqyrym sý jumsalady. Onyń 11,3 tekshe shaqyrym nemese 97% paıyzy - 4 ońtústik oblysqa tıesili. Ol – 1,28 mln gektar sýarmaly alańy bar nemese el boıynsha barlyq sýarmaly alańnyń 80% paıyzyn (1,6 mln ga) quraıtyn Almaty, Jambyl, Túrkistan jáne Qyzylorda oblystary», - dedi mınıstr.
Sondaı-aq, ol Qyrǵyz Respýblıkasy tarapymen arada qalyptasqan úırenshikti tásil boıynsha jaz aılarynda 330 mln tekshe metr sýdy qosymsha alý kelisimi bar ekenin eske saldy.
«Shektes eldermen yntymaqtastyq sheńberinde qyrǵyz tarapymen taýar almasý jáne kommertsııalyq negizde elektr energııasyn jetkizý boıynsha «Dostyq» kanaly arqyly jaz aılarynda 330 mln tekshe metr kóleminde sý berý máselesin sheshýge qol jetkizildi», - dedi Ekologııa mınıstri.
Onyń aıtýynsha, bıyl Shardaraǵa 5 mlrd tekshe metr sý jınaýǵa múmkindik bar.