Egis alqaptarynyń 60 paıyzy oryldy - AShM

NUR-SULTAN. QazAqparat – Qostanaı oblysyndaǵy órt egis alqaptarynda eleýli shyǵyn keltirmedi. Bul jaıynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Qostanaı oblysyndaǵy órt saldarynan shyǵyn keltirilgen egis alqaptary aýqymdy emes. Biz qazir komıssııanyń nátıjesin kútip otyrmyz. Atap aıtqanda, bul jaǵdaı azyq-túlik qaýipsizdigine áser etpeıdi», - dedi E. Qarashókeev Senattyń jalpy otyrysynan keıin tilshiler saýalyna jaýap bere otyryp.

Osy oraıda ol Qostanaı oblysy men barsha Qazaqstan aýmaǵynda egis alqaptarynyń 60 paıyzy orylǵanyn aıtty. 11,5 mln tonna astyq bastyrylǵan, onyń ishinde bıdaıdyń úlesi 9 mln tonna shamasynda.