Egıpette avtobýs pen júk kóligi soqtyǵysýynan úsh adam qaza taýyp, 37 adam jaraqat aldy

KAIR. SINЬHÝA. QazAqparat – Egıpettiń soltústigindegi Matrýh provıntsııasynyń jaǵalaýyndaǵy tas jolda týrıster avtobýsy men júk kóligi soqtyǵysyp, úsh adam qaza tapty, taǵy 37 adam jaraqat aldy, dep habarlaıdy QazAqparat Sınhýa agenttigine silteme jasap.

«Jol apaty tańerteń El-Dabaa qalasynyń mańyndaǵy Matrýh-Aleksandrııa halyqaralyq jaǵalaýy jolynda boldy. Zardap shekkenderdi jaqyn mańdaǵy aýrýhanalarǵa jetkizý úshin dereý 10 jedel járdem jiberildi», - delingen Matrýh provıntsııasynyń málimdemesinde.

Provıntsııanyń densaýlyq saqtaý basqarmasy basshysynyń orynbasary Mabrýk Salem zardap shekkender ártúrli dárejedegi jaraqat alǵanyn, al keıbireýlerine ota jasaý keregin aıtty.

Mysyrda jyldamdyqty arttyrý, nashar jol jaǵdaıy jáne jol qozǵalysy erejelerin saqtamaý saldarynan jyl saıyn myńdaǵan adam kóz jumady.