«Eginjaı» baǵdarlamasy boıynsha qarjylandyrý bastaldy

ASTANA. QazAqparat - «QazAgro» Holdınginiń enshiles kompanııasy «Aýyl sharýashylyǵyn qarjylaı qoldaý qory» AQ «Eginjaı» baǵdarlamasy boıynsha jyl basynan beri 75 255 gektar jerge dándi daqyldar egý úshin 456,6 mln. teńgege 123 nesıe berdi. Bul baǵdarlama boıynsha qarjylandyrý jalǵasýda, - dep habarlaıdy kompanııanyń baspasóz qyzmeti.

Qor kishigirim jer telimderi bar aýyl sharýashylyǵy kásipkerleri men aýyl sharýashylyq taýarlaryn óndirýshilerdi kóktemgi dala jáne kúzgi jıyn-terim jumystary kezinde qoldaý maqsatynda 2010 jyldan beri «Eginjaı» baǵdarlamasyn júzege asyryp keledi.

Nesıe 1 mln. teńgeden 6 mln. teńgege deıin beriledi. Sondaı-aq, Qor qaryz alýshylarǵa yńǵaıly bolýy úshin 3 jylǵa deıingi «nesıelik jeli» júıesin engizdi. ıAǵnı, qaryz alýshy alǵashqy jyly eń kóbi 18 aıǵa deıin qaryz alyp (bul ýaqyt dándi daqyldy egip, jınap, ótkizýge jetetin merzim) nesıeden qutylǵan soń, kelesi jyly qujattardy qaıta jınamaı, osy jeli aıasynda Qordan kelesi jylǵa taǵy nesıe alýyna múmkindik beredi. Nesıe jyldyq 9,5% ústememen (tıimdi jyldyq syıaqy ústemesi - 10,2% aspaıdy) beriledi.

«Aǵymdaǵy jyly Qor óz qarjysynan 1 980,0 mln. teńgege, onyń ishinde 500,0 mln. teńgeni shaǵyn nesıe/shaǵyn qarjy uıymdary arqyly sharýalardy qarjylandyrýdy josparlap otyr», - deıdi «Aýyl sharýashylyǵyn qarjylaı qoldaý qory» AQ basqarma tóraǵasy Narmuqan Sarybaev.

Nesıe alý úshin sharýaǵa ótinish bergen kúnine salyq jáne bıýdjetke tólenetin basqa da mindetti tólemder boıynsha merzimi ótken beresheginiń bolmaýy; sońǵy esepti kúnge (ótinish beretin aıda) EDB jáne basqa da qarjy ınstıtýttary aldynda merzimi ótken beresheginiń bolmaýy; jaǵymdy nesıe tarıhy (nesıe tarıhy bar bolsa); 3 jyldan uzaq emes merzimdegi daqyldardy kórsetip, naqty egin egilgen jerlerdiń ári qyzmetti atqarýdyń naqty ýaqytyndaǵy ónimdilik týraly málimettiń bolýy; egin egetin jerlerdiń bar ekeniń rastaıtyn qujattyń bolýy, onyń ishinde birlese jumys isteý týraly kelisim-shart ta; berilgen qaryzdy baqylaý úshin ekinshi deńgeıli bankterde qosymsha/arnaıy esepshot ashý (teńgemen); Qoǵamǵa qaryzdy maqsatty túrde paıdalanýdy tekserý úshin qajetti jáne jetkilikti qujattardy tapsyrý sekildi birqatar negizgi talaptar qoıylady.

«2010 jyldan beri aýylsharýashylyq taýarlaryn óndirýshilerdi kóktemgi dala jáne kúzgi jıyn-terim jumystary kezinde qoldaý aıasyndaǵy «Eginjaı» baǵdarlamasymen Qor 5 043 mln. teńgege 1331 sharýany nesıelendirdi. Sonymen qatar, maqta ósirýshi sharýalardy qoldaý úshin 1 500 mln. teńgege «Yrys» shaǵyn nesıe uıymy qarjylandyryldy, - deıdi N.Sarybaev. - Byltyrǵy jyldyń qorytyndysy boıynsha: Almaty, Batys Qazaqstan oblysy, Soltústik Qazaqstan oblystary kósh basynda tur».

Jalpy 2015 jyly «QazAgro» UBH» kompanııalar tobymen kóktemgi dala jáne kúzgi jıyn-terim jumystaryna barlyq qarjylandyrý kózderin eseptegende (tehnıka lızıngin qosa alǵanda) 97 mlrd. teńge baǵyttalady dep josparlanyp otyr. Bul sommaǵa kóktemgi dala jáne kúzgi jıyn-terim jumystary úshin QR Úkimeti Qaýlysyna sáıkes 60 mlrd. teńge kóleminde Holdıngqa berilgen bıýdjettik nesıe de kiredi. Bıýdjettik nesıe qarjysy otandyq taýar óndirýshilerdi egin egý sharasy kezinde qarjylandyrý úshin «QazAgro» qurylymyndaǵy damytý ınstıtýttarymen qatar, ekinshi deńgeıli bankterge de baǵyttalady.