Egin jumystaryna janar-jaǵarmaı suranysy 360 myń tonnany qurap otyr

ASTANA. 7 mamyr. QazAqparat -  «QazMunaıGaz  qaıta óńdeý jáne marketıng» AQ  Qazaqstan Respýblıkasynyń aýylsharýashylyǵy taýar óndirýshileri úshin dızeldik otynmen qamtýdy júzege asyryp keledi.

Baspasóz qyzmetiniń habarlaýynsha, 2011-2012 jylǵy kúzgi-qysqy kezeńde áleýmettik-óndiristik nysandar men mekemelerge mazýt berý jónindegi munaı ónimderiniń negizgi resýrs ustaýshylaryna oblystar men Astana qalasynan 390 myń tonna mólsherindegi mazýtqa degen suranysy anyqtalǵan. «QazMunaıGaz QM» AQ atalǵan mindettemeleriniń 99,1 paıyzǵa jýyǵyn oryndady.

Al qazirgi tańda Qazaqstan Respýblıkasy Munaı jáne gaz mınıstrligi janyndaǵy Іshki naryqty munaı ónimderimen qamtamasyz etý máselesi jáne janar-jaǵarmaıǵa baǵa belgileý tetigi jónindegi jumys tobynyń hattamasyna sáıkes  «QazMunaıGaz  QM» AQ egin jumystaryn júrgizý úshin bekitilgen oblystardyń aýylsharýashylyǵy óndirýshileri atyna dızeldik otyn berýdi júzege asyrýda. Bul rette egin jumystaryn júrgizý kezeńine (naýryz-mamyr) arnalǵan suranys kólemi 360 myń tonnany quraǵan bolatyn. «QazMunaıGaz  QM» AQ mindettemeleri 208 myń tonnany quraıdy, onyń ishinde 77 myń tonna dızeldik otyn bolyp otyr.

Jalpy 27 sáýirdegi jaǵdaı boıynsha kompanııa 147,424 myń tonna dızeldik otyn berdi. Onyń ishinde 52,896 myń tonna «Atyraý munaı óńdeý zaýyty» JShS-ne, 94,528 myń tonna - «Pavlodar munaı-hımııa zaýyty» AQ óndirisine tıesili.