Egin egetin jerdi paıdalanýdy memlekettik baqylaýda qandaı ózgerister bolady
Onyń aıtýynsha, jerdi utymdy jáne tıimdi paıdalanýǵa memlekettik baqylaýdy jetildirý maqsatynda birqatar jumys atqarylǵan.
«Birinshisi – jerdiń paıdalanylýyna memlekettik baqylaý fýnktsııalary jergilikti atqarýshy organdardan qaıtaryldy. 2014 jyldan bastap memlekettik baqylaýdy ortalyqsyzdandyrý aıasynda jerlerdiń paıdalanylýyn baqylaý jónindegi fýnktsııalar tolyǵymen oblystardyń ákimdikterine júkteldi. Alaıda jer qatynastaryn basqarý, berý jáne baqylaý bir memlekettik organnyń quramyna kirgendikten, belgili bir sybaılas jemqorlyq qateri men múddeler qaqtyǵysy týyndady. Prezıdent janyndaǵy Ulttyq qoǵamdyq senim keńesiniń 2021 jylǵy 19 naýryzdaǵy otyrysynda Memleket basshysy bergen tapsyrmamen qurylǵan jer komıssııasy joǵaryda kórsetilgen faktige nazar aýdardy. Ol sondaı-aq «ortalyq-óńir» qaǵıdaty boıynsha jerdi utymdy paıdalanýǵa memlekettik baqylaýdyń biryńǵaı vertıkalin qurýdy usyndy. Prezıdenttiń tapsyrmasyn oryndaý maqsatynda 2021 jyly 30 maýsymda jer qatynastaryn damytý máseleleri boıynsha, sonyń ishinde jerdi utymdy paıdalanýǵa memlekettik baqylaýdyń biryńǵaı vertıkalin kózdeıtin zańǵa qol qoıylyp, qabyldandy», – dedi M. Temirjanov ortalyq kommýnıkatsııalar qyzmetinde.
Komıtet tóraǵasynyń aıtýynsha, jer berý jónindegi fýnktsııalar ákimdikterde qaldy, al ákimdikterdiń jer berýdi baqylaý jónindegi fýnktsııalary jáne aýmaqtyq departamentter qurý arqyly jerdiń paıdalanylýyn baqylaý fýnktsııalary komıtetke berildi.
Sondaı-aq, spıkerdiń aıtýynsha, paıdalanylmaıtyn aýyl sharýashylyǵy jerlerin anyqtaý úshin ǵaryshtyq monıtorıng engizilgen. Pılottyq joba 2020 jyly iske asyryldy, al 2021 jyly Qazaqstannyń búkil aýmaǵy boıynsha ǵaryshtyq monıtorıng engizildi. Bul ádis qysqa merzimde respýblıkanyń barlyq aýyl sharýashylyǵy jerlerin paıdalanýǵa taldaý jasaýǵa múmkindik beredi. Kosmomonıtorıng nátıjeleri boıynsha paıdalanylmaı jatqan 3,6 mln gektar jer óz erkimen qaıtaryldy.
Oǵan qosa, paıdalanylmaıtyn jerlerdi májbúrlep alyp qoıý merzimi qysqartylyp, protsedýrasy jeńildedi. Buryn bul mehanızm uzaq boldy jáne ondaǵan jyldar boıy paıdalanylmaǵan aýyl sharýashylyǵy jerleriniń tozýyna alyp keldi. Bıyl 3 qańtarda Prezıdent qol qoıǵan zań paıdalanylmaıtyn jerlerdi májbúrlep alyp qoıý merzimin qatarynan eki jyldan bir jylǵa deıin qysqartýdy jáne atalǵan ornyna barmaı-aq kosmomonıtorıng ádisin engizýdi kózdeıdi.
M.Temirjanov endi josyqsyz jer paıdalanýshylarǵa qatysty sharalar ýaqytyly qabyldanatynyn atap ótti.
Bul mıkrokásip sýbektileriniń dúńgirshekterdi zańsyz ornatýyna jáne paıdalanylmaıtyn jerler bolǵan jaǵdaıda aýyl sharýashylyǵyn júrgizý úshin turǵyndarǵa jerlerdiń jetispeýshiligine baılanysty.
ShOB sýbektilerine tekserý júrgizýge moratorıı bolǵandyqtan QR Aýyl sharýashylyǵy mınıstri moratorııdiń qoldanylý kezeńinde jerdi paıdalanbaý nemese utymsyz paıdalaný máseleleri boıynsha tekserý múmkindigi úshin «jappaı qaýip» uǵymyn aıqyndaý jónindegi usynymdar bekitilgen №223 buıryq shyǵardy.