Egeýquıryqtar qaıta shyqty: Aqtaýda teńiz jaǵalaýynda kemirgishterdi ýlaý jumystary bastaldy

<p>AQTAÝ. KAZINFORM &ndash; Deratızatsııa jumystary &laquo;Samal&raquo; shaǵyn aýdanynan bastalyp, qaladaǵy barlyq jaǵalaýda júrgiziledi. Oǵan qosa, Ómirzaq aýylyna deıingi teńiz jaǵalaýyn, &laquo;Aqtaý teńiz-saýda portynyń&raquo; mańyn, &laquo;Aq jelken&raquo; turǵyn úı massıvin jáne 16, 17, 18, 19, 20-shaǵyn aýdandardy da qamtý josparlanǵan.&nbsp;&nbsp;</p>

Aqtaý qalalyq turǵyn-úı kommýnaldyq sharýashylyq bóliminiń sektor meńgerýshisi Aıdar Bısenovtyń aıtýynsha, deratızatsııa jáne dezınsektsııa jumystaryn arnaıy ruqsaty bar attestattalǵan mekeme júrgizip jatyr. 

Foto: Mańǵystaý oblystyq qoǵamdyq kommýnıkatsııa ortalyǵy

«Qalada kemirgishter men búrgelerdiń taralaýyn boldyrmaý jáne olardy joıý maqsatynda deratızatsııa bastaldy. Bul jumystardy merdiger kompanııa 30 kún boıy júrgizedi. Deratızatsııa jumystaryn arnaıy ruqsaty bar attestattalǵan mekeme jasap jatyr. Bul jumystar kezinde mamandar barlyq sanıtarlyq jáne qaýipsizdik normalaryn saqtaıdy. Al qala aýmaǵyndaǵy barlyq oıyn alańdarynda jasalatyn dezınsektsııa jumystary 10-17 maýsym aralyǵynda saǵat tańǵy 7:30-9:30-da júrgiziledi», - deıdi ákimdik qyzmetkeri.

Deratızatsııa jumystaryna jaýapty mekeme ókiliniń aıtýynsha, adamdar men janýarlarǵa esh zııany joq preparat qoldanylyp jatyr. 

Foto: Mańǵystaý oblystyq qoǵamdyq kommýnıkatsııa ortalyǵy

 

«Deratızatsııa bekitiligen kestege sáıkes júrgizilip jatyr. Qoldanylyp otyrǵan preparat – «Fıprat ALT». Bul deratızatsııalyq preparat adam ómirine jáne janýarlarǵa qaýip tóndirmeıdi. Deratızatsııa jumystary 50 km aýmaqty qamtıdy», - dedi deratızatsııa jumystaryn júrgizetin mekeme ókili Ibatolla Jambýsov.

Aıta keteıik, byltyr dál osy mezgilde Aqtaýdaǵy teńiz jaǵalaýynda egeýquıryqtar kóbeıip, turǵyndar men týrısterge qolaısyzdyq týǵyzdy. Kópshiliktiń shaǵymynan keıin mamandar dereý ýlaý jumystaryn júrgizip, 20 shaqyrymdaı aýmaq dezınfektsııalandy. Mamandar sol kezde egeýquıryqtyń qaptaýyna, beıbereket jatqan qoqystar sebep bolǵanyn aıtty.