Eger sottalýshy aýyr syrqatqa shaldyqsa jazasyn óteý keıinge qalýy múmkin

ASTANA. QazAqparat – Elimizde sottalýshy aýyr syrqat bolǵanda jazany óteý keıinge qaldyrýy múmkin. Qazaqstan zańnamasyna engiziletin mundaı túzetýdi QR Іshki ister mınıstriniń birinshi orynbasary Marat Qojaev aıtty, dep habarlaıdy QazAqparat tilshisi.

«Іshki ister mınıstrligi Adam quqyqtary jónindegi ýákilmen, Bas prokýratýramen, Joǵarǵy sotpen jáne ózge memlekettik organdarmen birlesip, «Qazaqstan Respýblıkasynyń Qylmystyq, Qylmystyq-protsestik jáne Qylmystyq-atqarý kodeksterine qylmystyq sot tóreligi, jazany oryndaý jáne azaptaý men qatygez áreketterdiń aldyn alý salasyndaǵy adam quqyqtary máseleleri boıynsha ózgerister men tolyqtyrýlar engizý týraly» zań jobasyn ázirledi. Zań jobasy Qylmystyq, Qylmystyq-protsestik jáne Qylmystyq-atqarý kodeksterine, sondaı-aq «Qazaqstan Respýblıkasynyń Ulttyq ulany týraly» Zańǵa alty baǵyt boıynsha ózgerister men tolyqtyrýlar engizýdi kózdeıdi», - dedi ol Májiliste atalǵan zań jobasyn tanystyra kele.

Onyń atap ótýinshe, eń aldymen sottalǵan adam aýyr syrqattanǵan kezde jazany óteýdi keıinge qaldyrý usynylady.

«Qylmystyq kodekstiń 75-babynda sot bas bostandyǵynan aıyrý túrinde úkim shyǵarǵan kezde aýyr syrqaty bar sottalǵandarǵa jazany óteýdi keıinge qaldyrýdy qoldanýǵa múmkindik beretin normany kózdeý usynylady. Qoldanystaǵy zańnamamen sot sottalǵan adamnyń QAJ mekemesinde bolǵan kezeńinde jazany óteýden bosatýdy nemese ony neǵurlym jeńil túrimen aýystyrýdy ǵana qoldanýy múmkin. Qazirgi ýaqytta jazasyn óteýden bosatý úshin negiz bolyp tabylatyn aýrýlar tizbesine jatatyn aýrýlary bar sottalǵandar sot zalynan bas bostandyǵynan aıyrý oryndaryna jiberiledi. Usynylyp otyrǵan túzetý qabyldanǵan jaǵdaıda sottar sottaý protsesinde sottalýshyda aýyr naýqasy bolǵan kezde jazany óteýdi keıinge qaldyrýdy qoldaný múmkindigine ıe bolady. Bul sottalǵandarǵa azamattyq medıtsınalyq mekemelerde ýaqtyly emdelýge múmkindik beredi», - dedi Marat Qojaev.