Eger ótken jyly ІJÓ-niń ósý deńgeıi 5 paıyz bolsa, onyń 1,5 paıyzy ındýstrııalandyrý baǵdarlamasynyń tıimdiligi - Á.Isekeshev

ASTANA. 13 maýsym. QazAqparat - Eger ótken jyly ІJÓ-niń ósý deńgeıi 5 paıyz bolsa, onyń 1,5 paıyzy ındýstrııalandyrý baǵdarlamasynyń tıimdiligi. «Egemen Qazaqstan» gazetine bergen suhbatynda QR Premer-Mınıstriniń orynbasary - QR Indýstrııa jáne jańa tehnologııalar mınıstri Áset Isekeshev osylaı málim etken.

«Jańa óndiris oryndaryn qurý maqsatynda otandyq jáne sheteldik ınvestorlarmen belsendi jumys júrgizildi. Joǵaryda aıtyp ótkenimdeı, ekonomıkamyzdyń qurylymdaǵy negizgi ózgeristerdi uzaq merzimdi bolashaqta kóretin bolamyz. Alaıda, qazirdiń ózinde biz atqarylǵan jumystyń eleýli nátıjelerin kórýdemiz. Birinshiden, 500-den astam jańa óndiris oryndary iske qosyldy. Onyń ishinde 100 kásiporyn qaıta jaraqtandyrylǵan kásiporyndar bolsa, 400-den astamy túbegeıli jańa óndiris oryndary. Ekinshi - onyń ekonomıkalyq tıimdiligi. Eger ótken jyly ІJÓ-niń ósý deńgeıi 5 paıyz bolsa, onyń 1,5 paıyzy osy ındýstrııalandyrý baǵdarlamasynyń tıimdiligi. Úshinshiden, bizde árqashan munaı-gaz jáne taý-ken salalary áleýetti bolatyn da, qaıta óńdeý salasy artta qalatyn. Mine, sońǵy úsh jyl boıy qaıta óńdeý salasy alǵa shyqty. Jalpy ósim 19 paıyzdy qurady», - dedi ol.