Egemendik týraly deklaratsııa derbestigimizdi aıǵaqtaǵan asa mańyzdy qujat – Áshimbaev

ASTANA. QazAqparat – QR Parlamenti Senatynyń tóraǵasy Máýlen Áshimbaev qazaqstandyqtardy Respýblıka kúnimen quttyqtady, dep habarlaıdy QazAqparat Senattyń baspasóz qyzmetine silteme jasap.

«Qurmetti dostar! Barshańyzdy ulttyq merekemiz – Respýblıka kúnimen shyn júrekten quttyqtaımyn!

Memlekettik egemendik týraly deklaratsııa – derbestigimizdi aıǵaqtaǵan jáne táýelsizdigimizdiń quqyqtyq negizin qalaǵan asa mańyzdy qujat. Eldik pen erkindik jolynda tarıhı sheshim qabyldanǵan kúndi ulttyq merekege aınaldyrý – otanshyldyq rýhymyzdy asqaqtatar utymdy qadam. Aldaǵy ýaqytta bul kúnniń qadir-qasıeti odan ári artyp, azattyǵymyzdy aıshyqtaıtyn naǵyz jalpyhalyqtyq mereke bolaryna eshqandaı kúmánimiz joq.

Búgin aıtýly kúnge oraı elimizdiń barlyq óńirinde kók týymyzdy kóterýge arnalǵan saltanatty rásim ótti. Prezıdentimiz Qasym-Jomart Kemeluly Toqaev aıtqandaı, bul – urpaq sanasynda otansúıgishtik qasıetti, eldik rýh pen ulttyq ustanymdy bekemdeı túsetin mańyzdy shara. Árdaıym osylaı kók baıraǵymyz kógimizde jelbirep, egemendigimiz nyǵaıa bersin!

Barshańyzdy quttyqtaı otyryp, ár shańyraqqa baq-bereke, elimizge amandyq, jerimizge tynyshtyq tileımin! Eńseli eldiktiń máni men mańyzyn arttyra túsetin ulttyq merekemiz qutty bolsyn!»,-dedi Máýlen Áshimbaev.

Foto: senate.parlam.kz