Egemen memlekettiń qurylýyna zor eńbek sińirgen tulǵalarǵa ádil baǵa berý kerek - Prezıdent

ASTANA. QazAqparat – Ótkenge ádildikpen qarap, odan taǵylym ala bilýimiz kerek. Bul týraly ulyqtaý rásiminde Qazaqstan Respýblıkasynyń Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ulttyń bostandyq jolyndaǵy tabandy kúresiniń arqasynda Qazaq eli Táýelsizdigin aldy. Egemen memlekettiń qurylýyna, onyń irgesin bekitý jolynda orasan zor eńbek sińirgen tarıhı tulǵalarymyzǵa ádil baǵa berýimiz kerek. Tabystardy jáne olqylyqtardy ajyratatyn bul – ýaqyt jáne tarıh. Ýaqyt – eń ádil qazy, al tarıh – bárine tarazy. Sondyqtan, saıası naýqanshylyqqa jol bermeýimiz qajet», - dedi Qasym-Jomart Toqaev.

Memleket basshysy ótkenge ádildikpen qarap, odan taǵylym ala bilýdiń mańyzdylyǵyn aıtty.

«Biz bolashaqta ádiletti memleket bolamyz desek, ótkenge ádildikpen qarap, odan taǵylym ala bilýimiz kerek. Jaqsydan úırenip, jamannan jırený – ósetin eldiń belgisi. Otanshyldyq, eńbekqorlyq, bilimpazdyq, jańashyldyq, jasampazdyq, janashyrlyq, meıirimdilik sııaqty asyl qasıetterdi boıǵa sińirýimiz qajet. Men bul týraly jıi aıtyp júrmin», - dedi Prezıdent.