«Egemen Qazaqstanǵa» jańa bas redaktor taǵaıyndaldy

ASTANA. QazAqparat - Búgin «Egemen Qazaqstan» respýblıkalyq gazeti» aktsıonerlik qoǵamy Dırektorlar keńesiniń otyrysynda qabyldanǵan sheshim negizinde Amantaı Shárip bas redaktor bolyp taǵaıyndaldy. Bul týraly basylymnyń saıty habarlady.

Buryn osy qyzmetti qosa atqaryp kelgen Basqarma tóraǵasynyń orynbasary Erkin Qydyr endi gazettiń jalpy shyǵarmashylyq jumystaryna basshylyq jasaıtyn boldy.

Amantaı Jarylqasynuly elimizge belgili basylymdarda jumys istegen, joǵary oqý oryndarynda prorektor, ulttyq telearnada basqarma tóraǵasynyń orynbasary qyzmetterin atqarǵan. Fılologııa ǵylymdarynyń doktory, professor.

Sondaı-aq búgin shyǵarmashylyq ujymǵa jaýapty hatshy qyzmetine taǵaıyndalǵan Asqar Bekov te tanystyryldy. Ol «Dala men Qala», «Aıqyn» gazetterinde jaýapty qyzmetter atqarǵan.