«Egemen Qazaqstan» gazeti jas jýrnalısterge arnap báıge jarııalady

ASTANA. QazAqparat - «Egemen Qazaqstan» gazeti jas jýrnalısterge arnap arnaıy báıge jarııalaıdy . Bıyldan bastap dástúrli túrde jalǵasatyn báıgege merzimdi basylymdarda materıaldaryn jarııalaý arqyly 18-35 jas aralyǵyndaǵy jýrnalıster qatysa alady, dep habarlaıdy QazAqparat.

Jas jýrnalısterge arnalǵan konkýrsqa qatysý erejesine sáıkes, báıgege 18 ben 35 jas aralyǵyndaǵy jýrnalıster qatysa alady. Konkýrstyń taqyryby jyl saıyn ózgerip turady jáne ony «Egemen Qazaqstan» RG» AQ redaktsııa alqasy bekitedi. Konkýrsqa kelip túsken materıaldardy baǵalaý úshin arnaıy komıssııa qurylady.

«Bıylǵy «Egemen Qazaqstan» gazetiniń jas jýrnalısterge arnalǵan syılyǵy «Týǵan jer: kóne tarıhtyń kómbesi» degen taqyryp aıasynda jarııalanǵan. Ol 3 nomınatsııa boıynsha «Úzdik tanymdyq materıal», «Úzdik jýrnalıstik zertteý» jáne «Úzdik fotoreportaj» úshin jarııalanady. Úmitkerlerdiń maqalalary týǵan jer, kıeli oryndar men kórikti mekender taqyrybyn qamtyp, tarıhı-tanymdyq turǵydan jazylýy nemese ózekti máselelerdi qozǵaýy tıis», - delingen konkýrs týraly habarlamady. Úzdik materıal avtorlary marapattaýǵa usynylady. Olardyń árqaısysyna arnaıy kádesyı jáne 200 000 (eki júz myń) teńge aqshalaı syılyq tapsyrylady. Qosymsha yntalandyrý syılyǵy Konkýrstyq komıssııanyń usynysymen taǵaıyndalýy múmkin. Konkýrs jeńimpazdary jýrnalısterdiń kásibı merekesi qarsańynda marapattalady.