«Egemen Qazaqstan» gazeti ataýyn latynshaǵa aýystyrady
«Tól jańa jylymyz - Naýryz merekesi qarsańynda oqyrmandarymyzǵa birqatar jaqsy jańalyqtar ázirlep otyrmyz. Naýryzdan bastap, gazet ataýyn latyn álipbıimen shyǵaramyz. Gazettiń kúndelikti 12 beti 16 betke kóbeıedi jáne jańa qosymshalarmen aptasyna bir ret 24 bet shyǵarý josparlanyp otyr», - dedi basylym basshysy.
Darhan Qydyráli sondaı-aq brıfıng barysynda tutas gazetti latyn álipbıine kóshirý týraly jýrnalıster suraǵyna jaýap berdi.
«Bıyl gazettiń ataýy ǵana latyn qarpine ózgeredi. Tutas gazetti kóshirý úshin Elbasy jarlyǵymen qurylǵan latyn álipbıi jónindegi Ulttyq komıssııanyń sheshimin kútý kerek. Sebebi, tek qana latyn álipbıin qabyldaý jetkiliksiz, onyń emle-erejesin bekitý kerek. Kirme sózder qalaı jazylatynyn bekitý kerek. Jalpy latyn álipbıine kóshýge «Egemen Qazaqstan» gazeti daıyn, sebebi budan 70 jyl buryn, 30-40-jyldary basylym latyn qarpinde jaryq kórgen. Sondyqtan, gazetti tolyq kóshirý esh qıyndyq týǵyzbaıdy», - dep jaýap berdi ol.
Sonymen birge, Darhan Qydyráli «Egemen Qazaqstannyń» 100 jyldyq mereıtoıyna daıyndyqtyń bastalǵanyn habarlady. Qazirgi ýaqytta «Tsıfrlyq Qazaqstan» baǵdarlamasy aıasynda «Egemen Qazaqstan» gazetiniń 1919 jyldan bergi barlyq nómirlerin skanerlep, elektrondy formatqa kóshirý jáne tańdaýly maqalalardyń 10 tomdyq jınaǵyn ázirleý jumystary júrip jatyr.
«Egemen Qazaqstan» gazeti alǵash ret 1919 jyly «Ushqyn» ataýymen jaryq kóre bastady. Ár jyldary basylymdy Bernııaz Kúleev, Smaǵul Sádýaqasov, Júsipbek Aımaýytov, Muhtar Áýezov, Beıimbet Maılın, Sáken Seıfýllın, Turar Rysqulov, Oraz Jandosov, Ǵabıt Músirepov, Sherhan Murtaza, Ábish Kekilbaev syndy ultymyzdyń birtýar azamattary basqardy. Gazet óz tarıhynda «Ushqynnan» keıin «Eńbek týy», «Eńbekshil qazaq», keıinnen «Sotsıaldy Qazaqstan», «Sotsıalıstik Qazaqstan» ataýymen jaryqqa shyqty. Elimiz egemendik alǵan tusta gazet «Egemendi Qazaqstan», al 1993 jyly «Egemen Qazaqstan» bolyp ózgerdi.