EEK jáne Serbııa erkin saýda týraly kelisimdi bekitýdi talqylady

ASTANA. QazAqparat - Eýrazııa ekonomıkalyq komıssııasynda EEK Saýda alqasynyń múshesi Veronıka Nıkıshına Serbııa Respýblıkasy úkimeti tóraǵasynyń orynbasary, saýda, týrızm jáne telekommýnıkatsııalar mınıstri Rasım Lıaıchpen kezdesti.

Bul týraly QazAqparat EEK baspasóz qyzmetine silteme jasap habarlaıdy. 

Kezdesý barysynda taraptar jeltoqsan aıynyń basynda ótken Eýroazııalyq ekonomıkalyq odaq pen Serbııa Respýblıkasy arasyndaǵy erkin saýda týraly kelisimdi bekitýdiń alǵashqy kezeńiniń nátıjelerin talqylady.

 Veronıka Nıkıshına Serbııanyń EAEO saýda saıasaty retinde mańyzdy rólge ıe ekenin atap ótti jáne EAEO barlyq memleketteri men Serbııa arasynda erkin saýda aımaǵyn qurýǵa áreket etetinderin jetkizdi.

Óz kezeginde, Rasım Lıaıch Serbııa úshin Odaqpen kelissózderdiń tezirek aıaqtalýy mańyzdy ekenin aıtyp, kelisimniń EAEO men Serbııa arasyndaǵy saýdaǵa qosymsha qozǵaý salatynyn málimdedi.

 Mınıstrler birlesken belsendi jumysty jalǵastyrýǵa ýaǵdalasty jáne 2018 jyly kelissózder protsesiniń tabysty aıaqtalaryna úmit bildirdi.