EEK naryqtaǵy básekelestiktiń buzylýyna tekseris júrgizbek

ASTANA. QazAqparat - Eýrazııalyq ekonomıkalyq komıssııa (EEK) 2017 jyly básekelestik erejelerin buzǵan eki isti ashty. Bul týraly EEK básekelestik jáne monopolııaǵa qarsy retteý jónindegi alqa múshesi (mınıstr) Marat Qusaıynov VII Peterbýrg halyqaralyq zań forýmynda málimdedi, dep habarlaıdy QazAqparat Eýrazııalyq ekonomıkalyq komıssııasynyń baspasóz qyzmetine silteme jasap.

Básekelestik erejeleriniń buzylýyna baılanysty eki is ashyldy, olar transshekaralyq naryqta transformatorlar óndirisi jáne Armenııadan shyǵatyn basqa «bestik» memleketter baǵyty boıynsha avıatsııalyq jolaýshylar tasymaly naryǵynda oryn alǵan. 

«EEK mindeti naryqta oryn alǵan buzýshylyqtardy anyqtaý ǵana emes, sondaı-aq olardyń aldyn alý, jaǵdaıdy qalpyna keltirý, - dedi Marat Qusaıynov. - Máselen, jahandyq naryqtaǵy mundaı jumystar - mobıldi baılanys operatorlarynyń qyzmet kórsetý baǵasynyń  5-14 esege tómendeýine yqpal etti».

EEK mınıstri bul másele boıynsha komıssııamen birlesip monopolııaǵa qarsy uıymdar men mobıldi operatorlar jumys istegendigin atap ótti.

Marat Qusaıynov komıssııanyń quqyq qoldaný tájirıbesi jaıly egjeı-tegjeıli  aqparat berdi. Quqyq buzýshyǵa beriletin aıyppul boıynsha erejeler ázirlengen. Básekelestiktiń jalpy erejeleri buzylǵan jaǵdaıda komıssııa men múshe-memleketter básekelestigin qorǵaý jónindegi organdar arasyndaǵy ózara is-qımyl tetikteri pysyqtalǵan.