EEK mınıstri avtokólikpen qalaı paıda tabýǵa bolatyndyǵyn túsindirdi

ASTANA. QazAqparat - Eýrazııalyq ekonomıkalyq komıssııanyń energetıka jáne ınfraqurylym jónindegi mınıstri Adamqul Júnisov Eýrazııalyq ekonomıkalyq odaq elderiniń avtomobıl kompanııalaryn qytaılyq júkterdi tasymaldaýǵa tapsyrys alýǵa daıyndalýǵa shaqyrdy, dep habarlaıdy QazAqparat.

«EAEO-da avtomobıl kóliginiń róli múshe memleketter arasynda, sondaı-aq EAEO men EO arasynda baılanysty qamtamasyz etýmen shektelmeıdi. Bolashaqta Eýrazııalyq ekonomıkalyq odaq pen Jibek jolynyń ekonomıkalyq beldeýiniń túıisýi aıasynda qytaılyq júkterge halyqaralyq avtomobıl tasymalyna suranys qarqyndy túrde artýy múmkin. Sondyqtan biz osy jumysqa daıyn bolýymyz kerek»,- dedi ol Astanada ótip jatqan «Eýrazııalyq aptalyq» halyqaralyq forýmynda.

Onyń sózine qaraǵanda, EAEO jumysy bastalǵaly avtomobıl kóligimen júk tasymaly 4 paıyzǵa, al júk aınalymy 7paıyzǵa artty.

 «Osy oraıda ońtaıly kórsetkish bıyl da baıqalyp otyr. 2017 jyldyń birinshi jartyjyldyǵynda júk tasymaly eki paıyzǵa, al taýar aınalymy úsh paıyzǵa joǵarylady. Aıta keteıik, avtomobıl kóligi úlesine tasymaldyń jalpy kóleminde 82 paıyzy tıesili»,- dedi Júnisov.