PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin stend atýdan Qazaqstan quramasynyń múshesi Edýard Eşenko irikteý kezeńinde synǵa tústi.
Ókinishke qaraı otandasymyz stend atýdyń skıt básekesiniń irikteý synynan ary asa almady. Jarysqa jalpy sany 30 sportshy qatysty.
Edýard Eşenko 115 upaı jınap, jalpy esepte 26-orynǵa jaıǵasty.
Sonymen qatar taǵy bir qazaqstandyq sportshy Marııa Dmıtrıenko trap saıysynda 10-orynnan kórinip, ol da fınaldyq kezeńnen tys qaldy.
Endi stend atý sportynan taǵy bir otandasmyz Ásem Orynbaı synǵa túsedi.
Esterińizge sala keteıik, búgin dzıýdodan Qazaqstan quramasy aralas saıysta brazııalyqtardan 4:2 esebimen jeńilip qaldy.
Ázirge Qazaqstan qorjynynda 1 altyn, 2 qola medal bar.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.