Edilden Qaraózen men Saryózenge alynatyn sý kólemi ulǵaıdy

NUR-SULTAN. QazAqparat – Jaıyq ózenindegi sý tutyný júktemesin azaıtý úshin Edil ózeni arqyly Reseıden alynatyn sýdyń kólemi kóbeıtildi. QR Ekologııa, geologııa jáne tabıǵı resýrstar mınıstri Serikqalı Brekeshev Májilis qabyrǵasyndaǵy parlamenttik tyńdaýda osyndaı málimet keltirdi, dep habarlaıdy QazAqparat tilshisi.

«Jaıyq-Kaspıı basseıni boıynsha ásirese sý az jyldary kerekti sý jiberý úshin Reseı Federatsııasy men Qazaqstandaǵy gıdrotehnıkalyq qurylystardyń jumysy sınhrondalady. Qazaqstan-Reseı baǵdarlamasy Jaıyq basseınindegi ekologııany saýyqtyryp, sý sapasyn jasqartady dep kútip otyrmyz», - dedi Serikqalı Brekeshev.

Sondaı-aq, ol Qaraózen men Saryózenniń boıyna sý qoımasyn salý jumystary bastalǵanyn jetkizdi.

«Sý az jyldary Edilden Saryózen men Qaraózenge quıylatyn sý kólemi kóbeıdi. Osy ózenderde sý qoımalarynyń qurylysy jobalanyp jatyr», - dedi mınıstr.

Májilis tóraǵasy Erlan Qoshanovtyń málimeti boıynsha, 2040 jylǵa qaraı Qazaqstanda sý tutyný 46 paıyzǵa artady.