Edil Jańbyrshın Májilistiń jalpy otyrysynda qabyldanǵan zań talaptaryn túsindirdi
Aıta keteıik, búgin palatanyń jalpy otyrysynda «Qazaqstan Respýblıkasynyń Úkimeti men Tótenshe jaǵdaılar jáne dúleı zilzalalardyń qaýip-qaterin azaıtý jónindegi ortalyq arasyndaǵy Qazaqstan Respýblıkasynyń aýmaǵynda onyń bolý sharttary týraly kelisimdi ratıfıkatsııalaý týraly» zań qabyldandy.
Kelisim Tótenshe jaǵdaılar jáne dúleı zilzalalardyń qaýip-qaterin azaıtý jónindegi ortalyqtyń Qazaqstan Respýblıkasynyń aýmaǵynda bolýy men jumys isteýi máselelerin retteıdi.
«Búgin jalpy otyrysta eki zańdy qabyldadyq. Tótenshe jaǵdaılarǵa qatysty qujatqa toqtalsaq, 2013 jyly 17 mamyrda Qazaqstan men Qyrǵyz Respýblıkasy arasynda tótenshe jaǵdaılar jáne dúleı zilzalalardyń qaýip-qaterin aldyn alý maqsatynda tıisti kelisimshart jasalǵan edi. Kelisim 2014 jyly ratıfıkatsııalandy. Odan keıin eki memlekettiń kelisimsharty aıasynda Almatyda arnaıy ortalyq quryldy. Sondyqtan búgin qabyldanǵan zań sol ortalyq pen Qazaqstan arasyndaǵy ózara kelisimdi bildiredi. Sebebi atalǵan ortalyqtyń halyqaralyq mártebesi bar. Onyń negizgi maqsaty – tótenshe jaǵdaılar men zilzalanyń qaýip-qaterin aldyn alý. Bul ortalyqtyń tısti maqsatyn, qyzmetin esere otyryp, osy qadamdardy zańmen rettedik», - dedi Edil Jańbyrshın.
Depýtattyń aıtýynsha, atalǵan ortalyq 2016 jyldan bastap jumysyn jalǵastyryp keledi. Osy ýaqyt aralyǵynda biraz joba iske asyrylǵan.
Budan buryn habarlanǵandaı, búgin Májilistiń jalpy otyrysynda QR Tótenshe jaǵdaılar mınıstri ıÝrıı Ilın ortalyq jumysyna qatysty túsinik berdi. Qazirgi kezde Ortalyq seriktestermen birlesip, zilzalalar qaýpin azaıtý men tótenshe jaǵdaılar salasynda 60-tan astam zertteý, taldamalyq, ádistemelik ázirlemeler, oqý-ádistemelik, aqparattyq jáne eseptik materıaldardy ázirlep, Ortalyqtyń saıtynda ornalastyrdy.
Mınıstrdiń atap ótýinshe, 2016 jyldan bastap Ortalyq óńir memleketteriniń tótenshe vedomstvolarymen, halyqaralyq jáne úkimettik emes uıymdarmen birlesip, zilzalalar men tótenshe jaǵdaılardyń qaýpin azaıtý salasynda, onyń ishinde atqarýshy agenttik retinde 30-dan astam baǵdarlamalar men jobalardy iske asyrdy jáne iske asyrýdy jalǵastyrýda. 11 joba Qazaqstan Respýblıkasynyń damýyna tikeleı úles qosady.
Aıta keteıik, Jibek Joly telearnasynyń mobıldi stýdııasy apta saıyn QR Parlamenti Májilisiniń jalpy otyrysyn tikeleı efırde kórsetýge múmkindik beredi. Interaktıvti resýrs qazaqstandyqtardyń áleýmettik ómirine áser etetin máseleler men qoǵam talaptaryn talqylaý boıynsha, zań shyǵarý protsesine qatysty málimet taratady. Tikeleı efır kún tártibindegi ózekti máselelerdi qamtyp, Jibek Joly jýrnalısterine depýtattyq korpýstyń jumysyna qatysty senimdi aqparatty telekórermenge live formatynda jedel jetkizýge jol ashady.