EDB qarajatynyń bir bóligi buǵattaldy: Jamaýbaev Reseı úlesin satyp alý jaıy týraly aıtty

ASTANA. QazAqparat – Qarjy mınıstri Erulan Jamaýbaev «Úkimet Reseı úlesin satyp alý kezinde Eýrazııalyq damý banki qarajatynyń bir bóligi buǵatta turǵanyn bildi me?» degen saýalǵa jaýap berdi, dep habarlaıdy QazAqparat tilshisi.

«Ol kezde buǵattalǵan joq bolatyn. Bul másele ótken jyldan beri talqylanyp keledi. Bárin jedel sheshý qajet boldy. Degenmen, qarajattyń bir bóligi buǵattalǵan. Biraq, qazir biz kelissóz júrgizip jatyrmyz. Bul jerde eń bastysy – kelissóz protsesin durys túzý. Óıtkeni, banktiń ózi sanktsııalyq tizimde turǵan joq. Tek belgili bir qarajat buǵattalǵan. Bul bank tóńiregendi teris aıa qalyptastyrý bolmaý kerek. Bank jumys istep tur. Qazaqstanda óte kóp joba júzege asyrylyp jatyr. Investıtsııalyq jobalardyń 40 paıyzdan astamy Qazaqstanǵa baǵyttalǵan. Sondyqtan biz Eýroodaq bıligine dúrliktirýdiń jáne onyń tóńireginde sensatsııa jasaýdyń qajet joq eken túsindirýdemiz», - dedi Qarjy mınıstri.

Sonymen qatar ol «Reseı úlesin satyp alý shynymen de úlken jobalardy qarjylandyrýǵa múmkindik bere me?» degen saýalǵa da jaýap berip ótti.

«Bıyl atalǵan úles munan da úlken bolady dep kútemiz, tek 2022 jyly ǵana 2 mlrd dollardan astam qarjylandyrý boldy. Shamamen dál osyndaı soma bıyl da bolady. Al ol jaqta buǵattalǵany 700 mln dollardaı. Bul kelissóz protsesi. Biz Eroodaq bıligin aqshanyń Qazaqstanǵa arnalǵandyǵyna kózin jetkizýimiz kerek», - dedi Erulan Jamaýbaev.