ETsQ-ny fleshkaǵa salyp, tasýdyń qajeti bolmaıdy – Azamattarǵa arnalǵan úkimet
«Biz áli kúnge deıin adamdardyń kópshiligi qyzmet alý úshin HQKO-ǵa keletinin kórip otyrmyz. Taldaý jumystary kórsetkendeı, 6 qyzmettiń ózi qyzmet alýshylardyń 75%-yn qamtıdy. 2020 jyly 4,8 mln azamat ETsQ alýǵa keldi. Bul barlyq ótinishterdiń 30%-yn quraıdy. Tsıfrlyq damý mınıstrligi Ulttyq aqparattyq tehnologııalar AQ-men birlesip, «bultty» ETsQ engizý máselesin pysyqtaýda. Bul joba ETsQ alý protsesin aıtarlyqtaı jeńildetýge múmkindik beredi. Bul sheshim adamdardy onlaın rejımge kóshirýge yqpal etedi dep úmittenemiz», - dedi «Azamattarǵa arnalǵan úkimet» memlekettik korporatsııasy» KEAQ basqarma tóraǵasynyń birinshi orynbasary Súıenish Ábdildın OKQ brıfınginde.
Sonymen birge, spıker «bultty» ETsQ qalaı jumys isteıtinin, onda bıometrııalyq derekter qoldanylatynyn atap ótti.
«Ótken jyldyń kúzinen bastap mgov mobıldi qosymshasynda avtorızatsııa men bıometrııalyq derekter arqyly tirkeý engizildi. Júıeniń ózi faıldyq bolmaıdy, ETsQ qashyqtaǵy serverlerde saqtalady. Jáne bıometrııalyq sáıkestendirý boıynsha ETsQ alynady jáne únemi ony jeke kýálikte nemese fleshkada alyp júrý qajet bolmaıdy. Adamdar fleshkalaryn joǵaltady jáne HQKO-ǵa ETsQ-ny jańartý úshin taǵy keledi. «Bultty» ETsQ jaǵdaıynda munyń bári qashyqtaǵy serverde saqtalady jáne adamdar jeke basyn bıometrııalyq rastaǵanda avtomatty túrde ETsQ shyǵarylady jáne qujattarǵa qol qoıylady», - dep túsindirdi S. Ábdildın.
Onyń aıtýynsha, bul joba jyl sońyna deıin eGov platformasyna engiziledi. Qazirgi ýaqytta jobamen elektrondyq úkimet portalyna jaýapty Ulttyq aqparattyq tehnologııalar AQ aınalysady.