EAEO Úkimetaralyq keńesiniń kezekti otyrysy aqpan aıynda Nur-Sultanda ótedi

MÁSKEÝ. QazAqparat – Eýrazııalyq úkimetaralyq keńesiniń kezekti otyrysyn 24-25 aqpan kúnderi Qazaqstan astanasynda ótkizý josparlanyp otyr. Bul týraly búgin ótken brıfıng barysynda Eýrazııalyq ekonomıkalyq komıssııanyń resmı ókili Iıa Malkına málim etti, dep habarlaıdy QazAqparat.

«Eýrazııalyq úkimetaralyq keńesiniń kezekti otyrysyn 24-25 aqpan kúnderi Qazaqstan astanasynda ótkizý josparlanyp otyr. Qazirgi kezde onyń kún tártibi daıyndalýda», - dep habarlady I.Malkına.

Resmı ókil sondaı-aq Komıssııanyń 2022 jyly júrgizetin jumys jospary týraly baıandap berdi. Jumys jospary qazirgi kezde EEK resmı ókili Komıssııanyń Qyrǵyzstannyń EAEO organdaryndaǵy tóraǵalyǵynyń 1 qańtardan bastalǵan basymdyqtary negizinde qazir qalyptasyp jatqan 2022 jylǵa arnalǵan jumys josparlary týraly aıtty.

Ol sondaı-aq 21 qańtarda EEK Keńesiniń bıylǵy jylǵy alǵashqy otyrysy ótetinin jetkizdi. EAEO kedendik aýmaǵyna jetkiziletin taýarlardy qadaǵalaý mehanızmin engizý boıynsha pılottyq jobany iske qosý máselesi qaralatyn bolady.

Keńes músheleri ilki jobany iske asyrý merzimderi men sharttaryn aıqyndaıdy, sondaı-aq qadaǵalanýǵa jatatyn taýarlar tizbesin bekitedi dep boljanyp otyr.

Sondaı-aq Komıssııa Keńesiniń jumysyn baqylaýshy memleketter sanyn arttyrý máselesi qarastyrylady.