EAEO-tyń veterınarııalyq talaptaryn buzýdyń 28 faktisi tirkeldi
Mınıstrlik taratqan málimetterge qaraǵanda, bıylǵy jyldyń 10 qazanynan bastap, qazaq-qyrǵyz shekarasynda veterınarlyq baqylaý kúsheıtildi. Osy kezde 6 shekaralyq bekette 32 ınspektor jumys istep jatyr.
Sonymen qatar quzyrly organ ókilderine Qyrǵyzstannan keletin ónimderdi baqylaý men qadaǵalaýdy kúsheıtý tapsyryldy.
Qazirgi tańda Qazaqstanǵa óz ónimderin jetkizýge quqyǵy bar kásiporyndar sany - 25. Olardyń 15-i sút ónimderin óndirýshi, 8-i balyq ónimderin óndirýshi, 2-ýi daıyn et ónimderin óndirýshi kásiporyndar.
Osy kezde qyrǵyz eliniń 5 sút óndirýshi kásipornynyń Qazaqstanǵa taýar tasymaldaýyna tyıym salyndy.
Mınıstrliktiń málimetterine qaraǵanda, qyrǵyz tarapynyń EAEO-tyń veterınarlyq talaptaryn oryndamaýynyń basty kórinisteriniń biri - 2017 jyldyń 22 qazany kúni Qazaqstan-Qyrǵyz shekarasynda ustalǵan 60 bas mal bolyp otyr. Atalmysh maldar, ıaǵnı eshkiler men jylqylar Tájikstannan Belarýs eline arnaıy veterınarlyq ruqsat qujattarynsyz ketip bara jatqan.
Jalpy alǵanda 2017 jyldyń 10 qazanynan bastap, EAEO zańnamalaryn buzýdyń 28 jaǵdaıy tirkeldi. Bul rette 34,468 tonna mal ónimderi (35ba MІQ, 58 jylqy, 58 usaq mal) anyqtalǵandyǵyn aıta ketý kerek.
Sondaı-aq zańsyz taýar tasymaldaýdyń 16 faktisi (Qazaqstanǵa taýar tasymaldaýǵa ruqsat etilmegen kásiporyndardyń ónimderin jetkizý, veterınarlyq ruqsat qujattary joq taýar tasymaldaý) anyqtaldy. Veterınarlyq qujattary rásimdeý talaptaryn buzýdiń 11 faktisi, tranzıt ruqsatynda kórsetilmegen ótkizý beketinen ótýge umtylýdyń 1 faktisi tirkeldi. Olar boıynsha tómendegi sharalar qolǵa alyndy: 8 fakti boıynsha 749 myń teńge kóleminde aıyppul salynyp, 6 fakti boıynsha, taýar (mal, balyq ónimderi, teri) qaıtaryldy. 19 fakti boıynsha taýar joıyldy, 4 fakti boıynsha komıssııalyq jumystar júrip jatyr.
2017 jyldyń 4 qarashasyndaǵy jaǵdaı boıynsha zańbuzý áreketteri bolǵan joq.