EAEO tilderindegi anyqtamalyq sózdik jaryq kórdi
Eýrazııalyq ekonomıkalyq odaqqa múshe memleketterdiń aýmaǵynda resmı tanylǵan memlekettik tilderdegi qujattar men deklaratsııalarda jıi kezdesetin 3000-ǵa jýyq sózder men sóz tirkesterinen quralǵan bul eńbek memlekettik tildi qoldaný mádenıetin arttyrýda, qoǵamdyq-saıası ómirimizge, zań shyǵarmashylyǵyna qatysty termınder men sóz tirkesterin retke keltirýde, normatıvtik-quqyqtyq aktilerdegi uǵymdardy birizdendirýde EAEY uıymyna múshe memleketterde osy baǵytta burynnan atqarylyp kele jatqan ıgi isterdiń tabıǵı jalǵasyna aınalary sózsiz.
Aıta ketetin jaıt, Eýrazııalyq ekonomıkalyq komıssııanyń Odaqtyń normatıvtik aktilerin aýdarý bólimi ázirlegen bul eńbek TMD keńistiginde kóp tildi formatta jaryq kórip otyrǵan alǵashqy sózdik bolyp tabylady.
Sózdikte is qaǵazdaryn júrgizý kezinde praktıkada jıi qoldanylatyn sózderdiń molynan qamtylýy óz salasy boıynsha osy baǵytta jumys isteıtin mamandarǵa, resmı organdardyń qyzmetkerleri men BAQ ókilderine mol kómegin tıgizetini kúmánsiz.