EAEO-nyń zeınetaqy týraly kelisimin kútip júrgender kóp - Belarýs Premer-Mınıstri

ASTANA. QazAqparat - Eýrazııalyq ekonomıkalyq odaqqa múshe elder azamattarynyń zeınetaqymen qamtamasyz etilýi týraly kelisim jobasy aıasyndaǵy jumystar baıaý júrip jatyr. Bul týraly búgin Astanada Eýrazııalyq úkimetaralyq keńestiń otyrysynda Belarýs Premer-Mınıstri Andreı Kobıakov málim etti, dep habarlaıdy QazAqparat.

"Eýrazııalyq ekonomıkalyq odaqqa múshe memleketter jumyskerlerin zeınetaqymen qamtamasyz etý týraly kelisim jobasy boıynsha jumystar biz oılaǵandaı jyldam júrip jatqan joq. Bul qujattyń jumysy odaqtyń birneshe elderimen baılanysty mıllıondaǵan adamdar kútip júr. Atap aıtqanda, memleketterdiń qarjylyq múmkindikterin eskere otyryp, adamdardyń múddeleri barynsha qorǵalýy tıis", - dedi Kobıakov.

Budan buryn habarlanǵandaı, Eýrazııalyq ekonomıkalyq odaqqa qatysýshy elderdiń úkimet basshylary atalǵan qujattyń jobasyn talqylady . 

Kelisim zeınetkerlik qamtý salasynda teń quqyqty qamtamasyz etýge baǵyttalǵan. Kelisim kúshine engennen keıin, EAEO-nyń kez kelgen elinde (EAEO-ǵa múshe basqa memlekettiń aýmaǵynda jumys isteý barysynda) eńbek ótili men zeınetaqany jolǵaltpastan, jumys isteý múmkindigi iske asyrylady.