EAEO-nyń kiriktirilgen aqparattyq júıesin iske qosýdy jandandyrý qajet - Toqaev

NUR-SULTAN. QazAqparat - Eýrazııalyq ekonomıkalyq odaqtyń kiriktirilgen aqparattyq júıesin iske qosý jumysyn jandandyrý qajet. Bul týraly Joǵarǵy Eýrazııalyq ekonomıkalyq keńestiń shaǵyn quramdaǵy onlaın otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Odaqtyń kiriktirilgen aqparattyq júıesin iske qosý boıynsha jumysty aıtarlyqtaı jandandyrý qajet. Júıe málimetter men elektrondyq qujattardy memleketaralyq almasýdy, ortaq aqparattyq resýrstardy qurýdy qamtamasyz etýge arnalǵan», - dedi Memleket basshysy.

QR Prezıdentiniń atap ótýinshe, 2015 jyldan beri ortalyqqa 88 protsestiń tek 19-y nemese 21 paıyzy ǵana engizilip otyr.

«Tsıfrlandyrý - elderimizdiń memlekettik organdarynyń ózara is-qımylynyń basty aspektisi, bıznes-protsesterdi jeńildetýge, ózara taýar aınalymyn arttyrýǵa, bızneske ákimshilik júktemelerdi tómendetýge septigin tıgizedi», - dedi Qasym-Jomart Toqaev.