EAEO-nyń energııa saýdasy qazaqstandyq platformada iske qosylady
«Elektr energııasynyń ortaq naryǵyn qalyptastyrý máselesine toqtalatyn bolsaq, elektr energııasynyń birinshi saýdalary iske asyrylýy úshin qazaqstandyq jáne reseılik tuǵyrnamany paıdalaný arqyly pılottyq jobany bastaımyz. Osy tájirıbeni eskere otyryp, elektr energııasynyń ortaq naryǵyn qalyptastyrýdyń keshendi jobasyn iske qospaqpyz», - dedi Eýrazııalyq ekonomıkalyq komıssııa alqasynyń tóraǵasy Tıgran Sarkısıan Eýrazııalyq úkimetaralyq keńes otyrysynan keıingi brıfıngte.
Esterińizge sala keteıik, EAEO aıasynda ortaq elektr energııasy naryǵy quralady. Bul ortaq energetıkalyq naryqtyń bir bóligi bolady, onda sonymen qatar EAEO-ǵa múshe elderdiń biryńǵaı munaı, gaz jáne kómir naryqtary qamtylady.
Sarapshylardyń paıymynsha, biryńǵaı energetıkalyq naryqty qurý osy saladaǵy qaýipsizdikti, sondaı-aq energııalyq resýrstar boıynsha qatysýshy elderdiń ishki naryǵyndaǵy qajettilikti qamtamasyz etedi.