EAEO-nyń birqatar kásipornyna qatysty kúsheıtilgen zerthanalyq baqylaý engizildi - AShM

<p>ASTANA. KAZINFORM &ndash; Mal sharýashylyǵy ónimderi boıynsha&nbsp; jyl basynan beri 600 myń tonnaǵa jýyq ónim tekserildi. Bul týraly elordada &laquo;Azyq-túlik qaýipsizdigi &ndash; ulttyq qaýipsizdiktiń negizgi quramdas bóligi&raquo; taqyrybynda ótip jatqan parlamenttik tyńdaýda Aýyl sharýashylyǵy mınıstri Aıdarbek Saparov málim etti.</p>

- Mal sharýashylyǵy ónimderin ákelýdi baqylaýdy qamtamasyz etý maqsatynda jyl basynan beri ótkizý pýnktterinde 600 myń tonnaǵa jýyq ónim tekserildi. Veterınarııalyq-sanıtarııalyq talaptardy buzýdyń 643 jaǵdaıy anyqtaldy, 26,4 mln teńge somasyna aıyppul salyndy. EAEO-nyń 13 kásipornyna qatysty kúsheıtilgen zerthanalyq baqylaý túrinde veterınarııalyq sanıtarııalyq sharalar qabyldandy, Reseı Federatsııasynyń birneshe kásipornynan ónim ákelý ýaqytsha shekteldi, - dedi A.Saparov.

Onyń aıtýynsha, Ulttyq referenttik ortalyq jáne Respýblıkalyq veterınarııalyq zerthana mal sharýashylyǵy ónimderi men azyqqa 732 myńnan astam zertteý júrgizdi. Olardyń ishinde 5 myń zertteýde sáıkessizdik anyqtaldy. Sondyqtan ónimder joıyldy.

- Respýblıkalyq veterınarııalyq zerthanalardyń zamanaýı zerthanalyq jabdyǵynyń 9-yn satyp alýǵa Úkimet rezervinen 3,8 mlrd teńge bólindi, jyl sońyna deıin jetkizilip, iske qosylady, - dedi mınıstr.

Budan buryn habarlanǵandaı, parlamenttik tyńdaý barysynda Senat tóraǵasy Máýlen Áshimbaev Qazaqstan astyq ótkizetin dástúrli naryqtardy saqtap qalýy tıis ekenin atap ótti.