EAEO naryǵyndaǵy kedergilerdiń 80 paıyzyn joıdyq
«Eýrazııalyq ıntegratsııany damytý aıasynda 2025 jylǵa deıingi EAEO strategııasyn júzege asyrý is-sharalarynyń jospary bekitilip, ózara is-qımyldyń negizgi vektorlary aıqyndaldy. Kooperatsııa, halyqaralyq yntymaqtastyq jáne kedergilerdi joıý máseleleri basymdyqqa ıe. Qazaqstandyq taraptyń bastamasymen taýarlardyń ázirenýin dáleldeıtin sertıfkattyń jańa túri - tez buzylatyn ónimderge arnalǵan «serııalyq ónimder sertıfıkaty» engizildi. Ol taýarlarymyzdyń EAEO naryǵyna shyǵýyn jeńildetedi ári eksporttaýshylardyń qarjylyq shyǵyndaryn tómendetedi. Qazirgi ýaqytta atalǵan sertıfıkat beriletin taýarlar tizilimin keńeıtý úshin kelissóz júrgizip jatyrmyz», - dedi mınıstr Senatta ótken Úkimet saǵatynda.
Ol Eýrazııalyq ekonomıkalyq odaqtyń ishki naryǵynda kedergisiz orta úshin jaǵdaı jasap júrgizilip jatqanyn aıtty.
«2016 jyldan osy ýaqytqa deıin kedergilerdiń 80 paıyzy joıyldy. Onyń ishinde bıyl 2,7 mln dollarǵa 3 kedergi alynyp tastaldy. Buǵan qosa, seriktesterimizben osy jyldyń sońyna deıin 1,8 mlrd dollarǵa taǵy 3 kedergini alyp tastaýǵa ýaǵdalastyq. Biz ázirlegen kedergilerdi moıyndaý ádisteme bekitildi. Endigi ýaqytta búkil protsess 70 kúndi quraıdy. Eski ádistemege sáıkes bul protsess 2 jylǵa deıin sozylatyn. Kedergilerdi joıý jónindegi ulttyq jol kartasyn júzege asyrý jalǵasýda. Búginde biz 600 mln dollardan astamǵa 8 kedergini joıa aldyq. Olar memlekettik satyp alý, salyq salý, eńbek mıgratsııasy, sý kóligi jáne taýarlardyń jekelegen túrlerin satýǵa qatysty», - dedi Baqyt Sultanov.