EAEO memleketterindegi eńbekkerlerdi zeınetaqymen qamtý kelisimine qol qoıyldy

SANKT-PETERBÝRG. QazAqparat – Sankt-Peterbýrgte Joǵary eýrzııalyq ekonomıkalyq keńes (JEEK) otyrysynyń qorytyndysy boıynsha birlesken jumystyń túrli baǵyty boıynsha birqatar kelisimge qol qoıyldy, dep habarlaıdy QazAqparat menshikti tilshisi.

Memleket basshylary JEEK otyrysy barysynda eýrazııalyq ıntegratsııany damytý, jalpy eńbek naryǵy, qyzmetterdiń biryńǵaı naryǵy, EAEO ishki naryǵynyń jumys isteýi, básekelestik, energetıka jáne basqa da máselelerdi talqylap, birqatar mańyzdy sheshim qabyldady.

Atap aıtqanda, EAEO uıymyna múshe memleketterde jumys isteıtinderdi zeınetaqymen qamtamasyz etý týraly kelisimge qol qoıyldy. Oǵan sáıkes, EAEO aýmaǵynda eńbek etýshiler tek óz Otanynda jumys istegen kezeńderi úshin ǵana emes, odaqtyń basqa memleketterinde jumys istegen ýaqyttary úshin zeınetaqy alatyn bolady. Zeınetaqyny ózi turatyn memleketke eksporttaý úshin jumysshy basqa memlekette keminde bir jyl jumys isteýi kerek.

Narymbek Ysmaǵulov