EAEO Keden kodeksi týraly kelisimshartty ratıfıkatsııalaýdy bastady

ASTANA. QazAqparat - 11 sáýir kúni Eýrazııalyq ekonomıkalyq odaqtyń Keden kodeksi týraly kelisimshartyna qol qoıý kezeńi aıaqtaldy. EAEO elderi qujatty ratıfıkatsııalaýǵa baǵyttalǵan memleketishilik rásimderge kirisedi. Jańa Keden kodeksi Eýrazııalyq ekonomıkalyq komıssııa barlyq bes qatysýshy memleketten Kelisimshartty ratıfıkatsııalaý týraly habarlamany alǵannan keıin kúshine enedi, dep habarlady EEK. 

EAEO Keden kodeksi - Odaqtyń normatıvtik-quqyqtyq bazasynyń negizgi qujattarynyń biri bolyp tabylady. Eýrazııalyq ekonomıkalyq odaq týraly kelisimshartta kedendik baqylaýdyń EAEO Keden kodeksine sáıkes júzege asyrylatyny kórsetilgen. Ol ekonomıkalyq ıntegratsııanyń bastapqy kezeńindegi quqyqtyq bazany - Keden odaǵy jáne Birtutas ekonomıkalyq keńistikti qalyptastyrý barysynda qol qoıylǵan kedendik baqylaý máseleleri jónindegi halyqaralyq kelisimder men Keden Odaǵynyń qazirgi Keden kodeksin almastyrady.
EAEO Keden kodeksi Odaqtaǵy kedendik baqylaý kelisimdiligi men ýnıfıkatsııasynyń deńgeıin kóteredi.

«Endi kóptegen úrdister avtomattandyrylady, - dep esepteıdi Eýrazııalyq ekonomıkalyq komıssııa Alqasynyń Tóraǵasy Tıgran Sarkısıan.

«Kásipkerler men kedenshilerdiń qarym-qatynasy jaqsara túsedi. Bizdiń bıznes ókilderimiz bul qujatty asyǵa kútti. Keden kodeksi kúshine engennen keıin, EAEO-daǵy bıznes-klımattyń jaqsara túsetininen úmittenemiz».