EAEO: Qazaqstan ırandyq tsement pen QHR kólikterine qatysty máseleni sheshýde

ASTANA. QazAqparat - Reseı Federatsııasy Qazaqstan arqyly tasymaldanatyn keıbir taýarlarǵa shekteý engizýdi surady. Ol taýarlardyń ishinde Irannyń tsementi men Qytaıdyń kólikteri bar, dep habarlaıdy QazAqparat tilshisi.

«Qazirgi kezde Iran tsementi boıynsha bir másele týyndap otyr. Reseı jaǵy atalǵan taýardy Qazaqstan arqyly tasymaldaýǵa bolmaıdy dep sanaıdy. Sebebi Eýrazııalyq ekonomıkalyq odaqtyń tehnıkalyq reglamentterine sáıkes kelmeıdi. Biz birneshe tekseris ótkizdik. Sonyń nátıjesi boıynsha ol tsementtiń ruqsat qaǵazdaryn berý kezinde tártip buzýshylyqtardyń bolǵanyn anyqtadyq. Odaqtyń tehnıkalyq talaptary buzylyp otyr», - dedi Ulttyq akkredıtteý ortalyǵy bas dırektorynyń birinshi orynbasary Serik Qurmanǵalıev QazAqparat tilshisine bergen suhbatynda. Atalǵan ortalyq QR Investıtsııalar jáne damý mınıstrliginiń Tehnıkalyq retteý jáne metrologııa komıtetine qaraıdy.

S.Qurmanǵalıevtiń aıtýynsha, EAEO-nyń 018-tehnıkalyq reglamenti - «Kólik quraldarynyń qaýipsizdigi» boıynsha birqatar máseleler bar. «Reseı tarapynan osyǵan qatysty talaptar boldy. Óıtkeni Qazaqstan arqyly Reseıge qytaılyq kólik quraldary tasymaldanyp otyrǵan. Osy máselege qatysty taǵy tekserister uıymdastyryldy. Qytaıda shyǵarylǵan kólik quraldarynyń qaýipsizdigi boıynsha ruqsat qaǵazdardy arnaıy zerthana berip otyrady. Biz onyń hattamalaryn keri qaıtardyq. Qazir tergeý sharalary júrip jatyr. Qytaılyq kólikterdiń tasymalyna shekteý qoıyldy», - dep atap kórsetti  S.Qurmanǵalıev.

Foto: materialyinfo.ru