EAEO, EO jáne ShYU arasyndaǵy tolyqqandy ekonomıkalyq yntymaqtastyqty jolǵa qoıý kerek - Elbasy
"Aldymen Eýrazııalyq ekonomıkalyq odaqtyń strategııalyq pishinin keńeıtip, ıntegratsııa ıdeıasyn kúsheıtý qajet. Bizge EAEO, EO jáne ShYU arasyndaǵy tolyqqandy ekonomıkalyq yntymaqtastyqty jolǵa qoıý kerek. Bul qarapaıym mindet emes. Degenmen, eger biz birlese jumys isteıtin bolsaq, onda mundaı ıdeıany ilgeriletýge bolady.
Osy rette Elbasy eýrazııalyq keńistiktiń máni jabylý emes, kerisinshe ony jahandyq ózara is-qımyl úshin barynsha ashyq etý ekenin atap ótti.
"Sonymen qatar Qytaıdyń "Bir beldeý - bir jol" bastamasyn ınfraqurylymdyq logıstıka bóliginde EAEO áleýetiniń jalǵasy retine qabyldanýy tıis. Biz elderimiz úshin ony tıimdi jasaı alamyz, mol ekonomıkalyq tıimdilik beredi, bizdiń birlestiktiń ishki de, jeke de maqsattaryna qol jetkizýge septigin tıgizedi", - dedi Joǵary EEK qurmetti tóraǵasy.
QR Tuńǵysh Prezıdenti EAEO-ǵa múshe memleketterdiń geografııalyq turǵyda óte tıimdi ornalasqanyn eskere otyryp, iri birlesken jobalardy júzege asyrý jumystaryn údetý qajettigine nazar aýdartty.
"Ol úshin elderimizde qýatty bazaǵa ıe bolyp otyrmyz. Máselen, Qazaqstan birqatar aýqymdy halyqaralyq jobany qazirdiń ózinde júzege asyryp otyr. Sońǵy 10 jyldyń ishinde Qazaqstannyń kólik-logıstıkalyq aktıvteriniń ınfraqurylymdaryn jáne quziretin damytýǵa shamamen 30 mlrd dollar ınvestıtsııa saldy. Bul 5 temir jol men 6 halyqaralyq avtomobıl baǵdaryn ashýǵa múmkindik berdi", - dedi Nursultan Nazarbaev.
Aıta keteıik, keńestiń keńeıtilgen quramdaǵy otyrysyna Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sooronbaı Jeenbekov, RF Prezıdenti Vladımır Pýtın, Armenııa Respýblıkasynyń Premer-mınıstri Nıkol Pashınıan, sonmen qatar Moldova Respýblıkasynyń Prezıdenti Igor Dodon EAEO janyndaǵy baqylaýshy memlekettiń basshysy retinde, Tájikstan Respýblıkasynyń Prezıdenti Emomalı Rahmon qurmetti qonaq retinde qatysyp otyr.
Jalpy otyrys barysynda Memleket basshylary EAEO damýynyń ózekti máseleleri men bolashaǵyn talqylaıdy. Atap aıtqanda, tsıfrlyq damýdyń, Odaqtyń halyqaralyq qyzmetiniń kún tártibinde turǵan máseleleri, sondaı-aq 2019-2020 jyldarǵa arnalǵan makroekonomıkalyq saıasattyń negizgi baǵdarlary qarastyrylady.
Sammıt sońynda Joǵary Eýrazııa ekonomıkalyq keńesine múshe memleketter basshylarynyń EAEO týraly Kelisimniń 5 jyldyǵyna oraı Birlesken málimdeme jasaýy, sondaı-aq birqatar halyqaralyq qujattarǵa qol qoıýy josparlanǵan.