EAEO elderiniń óndiristik áleýetin júzege asyrý 600 mln adamdy tamaqtandyrýǵa múmkindik beredi – Qazaqstan Prezıdenti

<p>EAEO elderiniń óndiristik áleýetin tolyqqandy júzege asyrý 600 mln-ǵa adamdy tamaqtandyrýǵe múmkindik beredi. Bul týraly Qazaqstan men Reseıdiń XIX Óńiraralyq yntymaqtastyq forýmynda Memleket basshysy Qasym-Jomart Toqaev aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Ózderińiz biletindeı, sońǵy kezderi jahandyq azyq-túlik qaýipsizdigine klımattyń ózgerýi, saıası jáne ekonomıkalyq turaqsyzdyq, halyqaralyq jetkizý tizbeginiń buzylýy sııaqty faktorlar keri áserin tıgizýde. Álemde ashtyq pen azyq-túlik tapshylyǵyna tap bolǵan adam sany 830 mln-ǵa deıin ósti. Buǵan qosa, BUU 2050 jylǵa qaraı Jer shary halqynyń sany taǵy 2 mıllıard adamǵa ósedi dep boljaıdy. Sarapshylardyń baǵalaýysha, EAEO elderiniń óndiristik, resýrstyq jáne eksporttyq áleýetin tolyqqandy iske asyrý shamamen 600 mln adamdy tamaqtandyrýǵa múmkindik beredi. Jáne de bul boljamdar óte shynaıy», - dedi Qasym-Jomart Toqaev.

Prezıdenttiń aıtýynsha, Qazaqstanda sońǵy bes jylda aýyl sharýashylyǵynyń ishki jalpy óniminiń kólemi eki eseden astam ósti. Aýyl sharýashylyǵy ónimderiniń eksporty eki ese artyp, 6 mlrd dollarǵa jetti.

«Bizdiń aýyl sharýashylyǵy ónimderimiz álemniń 80 eline jetkiziledi. Azyq-túlik qaýipsizdiginiń jahandyq ındeksinde 2022 jyly Qazaqstan 113 eldiń ishinen 32- orynǵa ıe boldy», - dedi Memleket basshysy.