EAEO elderinen kólik ákelý: Qyrǵyzstan men Armenııaǵa qatysty qandaı talaptar bar

ASTANA. QazAqparat - Memlekettik kirister komıteti Eýrazııalyq ekonomıkalyq odaq elderinen ákelingen avtokólikterdi kedendik tazarýdan ótkizý qajet pe degen suraqqa jaýap berdi, dep habarlaıdy QazAqparat.

Qazaqstan azamattary, Qyrǵyz Respýblıkasynda 2014 jylǵy 1 qańtarǵa deıingi jáne Armenııa Respýblıkasynda 2014 jylǵy 10 qazanǵa deıingi kedendik tazartýdan ótken avtomobılderdi ákelýine bolady.

Atalǵan avtomobılderdi Qazaqstan Respýblıkasynyń aýmaǵyna Qyrǵyz Respýblıkasynyń jáne Armenııa Respýblıkasynyń aýmaǵynda turaqty turatyn adamdar ǵana ákele alady.

Eýrazııalyq ekonomıkalyq odaqtyń (EAEO) 2014 jylǵy 29 mamyrdaǵy Sharttyń erejesine sáıkes Armenııa Respýblıkasy (AR) men Qyrǵyzstan Respýblıkasy (QR) úshin ótpeli kezeń belgilengen. Osy kezeń ishinde ishinde AR men QR elderine úshinshi elden ákelingen avtokólikterge qatysty kedendik bajdar, salyqtar osy elderdiń zańnamasyna sáıkes tólenedi. Sonymen qatar, 2014 jylǵy 10 qazanynan 2020 jylǵy 1 qańtaryna deıin Armenııa Respýblıkasynda jáne 2014 jylǵy 1 qańtarynan 2020 jylǵy 1 qańtaryna deıin Qyrǵyzstan Respýblıkasynda kedendik tazartýdan ótken avto kólikter EAEO-tyń ózge múshe memleketterinde shetel taýarlary bolyp tabylady jáne kedendik baqylaýǵa jatqyzylady.

1. EAEO SEQ TN 8702, 8703, 8704 pozıtsııalarynda synyptalatyn taýarlar avtomobılderge jáne jeńil avtomobılderge jáne ózge de motorly kólik quraldaryna qatysty Eýrazııalyq ekonomıkalyq odaqtyń Biryńǵaı kedendik tarıf belgilengen mólsherdi Armenııa Respýblıkasynda úsh jyl ótkennen keıin qoldanady (ıaǵnı 2023 jyldyń 1 qańtarynan). Sáıkesinshe, Armenııadan ákelingen avtokólikter memlekettik kirister organdarynyń qyzmetkerleri Armenııada kedendik tazartýdan ótkenin rastaǵannan keıin, 2023 jyly legalızatsııalanýyna bolady.

2. EAEO SEQ TN 8702, 8703, 8704 pozıtsııalarynda synyptalatyn taýarlar avtomobılderge jáne jeńil avtomobılderge jáne ózge de motorly kólik quraldaryna qatysty Eýrazııalyq ekonomıkalyq odaqtyń Biryńǵaı kedendik tarıfte belgilengen mólsheriniń Qyrǵyz Respýblıkasyndaqoldanǵanyna 5 jyl ótken soń (ıaǵnı 2025 jyldyń 1 qańtarynan) jáne kedendik bajdar men salyqtar somalar aıyrmasy mólsherinde kedendik bajdar men salyqtardy tólegennen keıin.

Bul rette, avtokólikterdi Reseı Fereratsııasy men Belarýs Respýblıkasynan Qazaqstan Respýblıkasyna kedenge qatysty shekteýlersiz ákele alady.