EAEO elderinde balalar alańy jabdyqtaryna qoıylatyn talaptar birdeı bolmaq
«1 maýsymda Eýrazııalyq ekonomıkalyq komıssııanyń 2017 jylǵy mamyrda qabyldap, 2018 jyldyń qarashasynda kúshine engen «Balalar oıyn alańdaryna arnalǵan jabdyqtardyń qaýipsizdigi týraly» Eýrazııalyq ekonomıkalyq odaqtyń tehnıkalyq reglamentine sáıkes úsh jyldyq ótpeli kezeń aıaqtaldy. Ol Odaqtyń kedendik aýmaǵynda aınalymǵa alǵash ret shyǵarylatyn jáne ashyq aýmaqtarda nemese jabyq úı-jaılarda ornalasqan balalar oıyn alańdaryna arnalǵan jabdyqtarǵa qoldanylady», - dep habarlady EEK.
Tehnıkalyq reglamentterde belgilengen jańa standarttarǵa óndirýshiler men satýshylardyń júıeli túrde ótýi úshin Komıssııa ótpeli kezeńdi belgiledi. Ol aıaqtalǵannan keıin balalar oıyn alańdaryna arnalǵan jabdyqtarǵa qoıylatyn qaýipsizdik talaptary EAEO-nyń barlyq memleketi úshin ortaq jáne mindetti bolmaq.