EAEO elderimen syrtqy saýda kólemi artty

NUR-SULTAN. QazAqparat – Eýrazııalyq ekonmıkalyq odaq (EAEO) elderimen syrtqy saýda 2021 jyldyń qańtar men qarasha aılary aralyǵynda 34,3% ósti, dep habarlaıdy QazAqparat Eýrazııalyq ekonomıkalyq komıssııanyń baspasóz qyzmetine silteme jasap.

«2021 jyldyń qańtar-qarasha aılary aralyǵynda syrtqy saýda kólemi 752 mlrd AQSh dollaryn qurady. Bul rette eksport 465,9 mlrd dollarǵa, ımport 286,1 mlrd dollarǵa ósken. Ótken jyldyń sáıkes merzimimen salystyrǵanda eksport 42,5% ósse, ımport 22,8% artqan. 2020 jylmen salystyrǵanda 2021 jyldyń qańtar-qarashasynda taýarlardy EAEO-tan tys eksporttaý kólemi Belarýs elinen 50,3%, Reseıden 45,4%, Qazaqstanna 23%, Armenııadan 16,3%-ke ósken»,-delingen EEK habarlamasynda.

EAEO-tan taýar tasymaldaýshylardyń basym bóligin Eýropalyq Odaq elderi (olardyń eksporttyq tasymalynyń úlesi 42,2%), Azııa-Tynyq muhıty ekonomıkalyq yntymaqtastyǵyna múshe elder (28,6%) qurap otyr. Odaqqa eksporttaýshylardyń kóshin Qytaı men Germanııa bastap tur.