EAEO elderi jalpy ishki naryqtaǵy kedergilerdi joıýy qajet -Toqaev
«Bizdiń memleketter jalpy ishki naryqtaǵy kedergilerdi joıýy tıis. Bul máseleni biz bir emes, birneshe ret talqylap, búgingi otyrystyń da edáýir bóligin osy suraqtarǵa arnaǵaly otyrmyz. Biz erkin saýda aınalymy úshin qajetti normatıvti bazany jasadyq. Bul – jetistik. Alaıda is júzine kelgende ulttyq naryqtarda jeke jaǵdaılarda óziniń taýar óndirýshilerin qorǵaý talap-tilegi – ıntegratsııanyń maqsaty men mindetterden mańyzdy sıpatqa ıe bolyp ketip jatady. Ártúrli saraptamalar, aımaqtyq deńgeıdegi qosymsha talaptar, jasyryn nusqaýlar berý máselesi bar», - dedi Qasym-Jomart Toqaev jıynda.
Prezıdenttiń aıtýynsha, mundaı shekteýlerdiń engizilýiniń BAQ kózderinde jarııalanýy jaǵdaıdy tipti ýshyqtyryp bara jatyr.
«Osylaısha, ıntegratsııaǵa jetkilikti dárejede senim bildirilmeı keledi. Mundaı tájirıbe eshkimniń oń jambasyna kelmeıtinine, bizdiń ıntegratsııaǵa qaıshy keletinine kelisetin bolarsyzdar. Komıssııa ulttyq zańnamalarǵa monıtorıng júrgizý quraldaryn kúsheıtip, aqparattandyrýdyń tıimdi mehanızmin ázirlep, EAEO ishinde qoldanystaǵy quqyqty durys túsindirýi tıis», - dedi Qazaqstan Prezıdenti.
Aıta ketsek, Qazaqstan Prezıdenti Qasym-Jomart Toqaev qatysqan Joǵary Eýrazııalyq ekonomıkalyq keńestiń otyrysy «Habar 24» arnasynda tikeleı efırde kórsetildi.
Armenııa astanasynda Joǵary ekonomıkalyq keńestiń otyrysy ótip jatyr. Іs-sharaǵa Qazaqstan Prezıdenti Qasym-Jomart Toqaev, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sooronbaı Jeenbekov, Reseı Federatsııasynyń prezıdenti Vladımır Pýtın, Armenııanyń Premer-mınıstri Nıkolaı Pashınıan jáne Eýrazııalyq ekonomıkalyq komıssııa Alqasynyń tóraǵasy Tıgran Sarkısıan qatysýda.