EAEO damý strategııasynan Qazaqstannyń múddesine qaıshy keletin 240 is-sharanyń kúshi joıyldy
«Byltyrǵy jyl eshkimge de ońaı bolǵan joq. Pandemııanyń saldarynan eń birinshi kezekte halyqaralyq saýda zardap shekti. UNCTAD derekteri boıynsha 2020 jyldyń 3 toqsanynyń sońynda álemdik saýda 8%-ǵa azaıǵan. Eýrazııalyq ekonomıkalyq komıssııanyń baǵalaýy boıynsha, EAEO syrtqy saýda kólemi 2020 jyldyń sońyna qaraı 16,5% -ǵa, al ishki saýdasy 11,5% -ǵa tómendedi», - dedi Janel Kúshikova.
Ol sondaı-aq ótken jyly EAEO organdarynyń alańynda 650-den astam akti qabyldanǵanyn, olar klassıkalyq tórt erkindik (taýarlar, qyzmetter, kapıtal jáne jumys kúshi) maqsatyn iske asyrýǵa baǵyttalǵanyn aıtyp ótti.
«Eýrazııalyq ekonomıkalyq odaq aıasynda ótken jyldyń eń mańyzdy oqıǵasynyń biri - EAEO-nyń 2025 jylǵa deıingi damý strategııasyn qabyldaý boldy. Qujat - EAEO elderi men komıssııanyń eki jyldyq birlesken jumysynyń nátıjesi. Oǵan Eýrazııalyq keńistiktegi aldaǵy besjyldyqtaǵy ıntegratsııalyq protsesterdi damytýdyń negizgi baǵyttary kiredi. Strategııany daıyndaý kezeńinde biz ulttyq múddelerge qaıshy keletin 246 is-sharany joıý týraly mámilege qol jetkizgenimizdi atap ótkim keledi. Sonymen qatar, biz damý strategııasyna qajetti mazmundaǵy 106 is-sharany engizdik», - dep atap ótti spıker.