EAEO-daǵy eńbek kóshi-qonyn retteý tártibi qandaı
«Bıylǵy 1 qańtardan bastap 2019 jylǵy 20 jeltoqsandaǵy Eýrazııalyq ekonomıkalyq odaqqa (EAEO) múshe memleketterdiń eńbekshilerin zeınetaqymen qamsyzdandyrý týraly kelisim kúshine endi. Onyń aıasynda uıymǵa múshe memleketterdiń azamattary EAEO-ǵa basqa múshe memleketterde eńbek qyzmetin júzege asyrý barysynda alǵan zeınetaqy quqyqtaryn qalyptastyrý, saqtaý jáne iske asyrý quqyǵyn aldy. Osy Kelisim 2014 jylǵy 29 mamyrdaǵy EAEO týraly shartty tolyqtyrady. Jasalǵan jaǵdaılar EAEO-ǵa múshe memleketter aýmaǵyndaǵy azamattardyń eńbek qyzmetin zańdastyrýǵa qosymsha yntalandyrý bolyp sanalady jáne EAEO aýmaǵynda eńbek resýrstarynyń biryńǵaı naryǵyn qalyptastyrýǵa kómektesedi», - delingen Eńbek mınıstrligi málimetinde.
Qazirgi ýaqytta múshe memleketterdiń azamattaryna jumysqa ruqsat alý úshin jumysqa ornalastyrýshy memlekettiń tilin, zańnamasyn jáne tarıhyn bilý emtıhandaryn tapsyrýdyń, sondaı-aq kóptegen kásipter úshin bilim týraly qujattardy taný boıynsha qosymsha rásimderdi ótkizýdiń qajeti joq.
Budan basqa, qyzmetkerler úshin tek eńbek sharty boıynsha ǵana emes, azamattyq-quqyqtyq shart boıynsha da jumys isteý múmkindigi qarastyrylǵan, bul olardyń jumysqa ornalasý aıasyn aıtarlyqtaı keńeıtedi.
«Bul rette jumysqa ornalastyrýshy memlekettiń aýmaǵynda ýaqytsha bolý merzimi jumys berýshimen jasalǵan eńbek nemese azamattyq-quqyqtyq sharttyń qoldanylý merzimimen aıqyndalady. Jumysqa ornalastyrýshy memlekettiń aýmaǵyna kelgen kúnnen bastap 90 táýlik ótkennen keıin shart merziminen buryn buzylǵan jaǵdaıda múshe memlekettiń azamaty 15 kún ishinde elden tys jerge shyqpaı jańa shartqa turýǵa quqyly. Múshe memleketter eńbekshileriniń jaldanyp istegen alǵashqy kúnderinen bastap tabystaryna jumysqa ornalastyrýshy memlekettiń salyq rezıdentteri úshin kózdelgen stavka boıynsha salyq salynady. Eńbekshilerdiń balalarynyń mektep jáne mektepke deıingi bilim berý mekemelerinde oqýǵa quqyǵy bar. Múshe memleketterdiń eńbekshilerine jáne olardyń otbasy múshelerine tegin jedel jáne shuǵyl medıtsınalyq kómek alý quqyǵy berildi», - delingen vedomstvo habarlamasynda.
EAEO-ǵa múshe memleketter bolyp sanalmaıtyn úshinshi elderge qatysty Qazaqstanda kvotalaýdyń arnaıy júıesi jumys isteıdi: QR Úkimeti jyl saıyn otandyq eńbek naryǵyna tartýǵa bolatyn sheteldik jumys kúshiniń shekti sanyn belgileıdi. Kvota negizinde jergilikti atqarýshy organdar jumys berýshilerge sheteldikterdi jumysqa tartýǵa ruqsat beredi. EAEO-ǵa múshe memleketterdiń azamattaryna qatysty mundaı talaptar kózdelmeıdi.