EAEO-da organıkalyq ónimderdiń ortaq naryǵy qurylady
Osy mindetti sheshý jáne organıkalyq ónimge ósip kele jatqan suranysty qanaǵattandyrý úshin Eýrazııalyq ekonomıkalyq odaq (EAEO) elderinde organıkalyq aýyl sharýashylyǵyn qoldaý úshin normatıvtik baza qalyptastyrylady.
Búgingi tańda organıkalyq ónimderdiń álemdik naryǵy 174,37 mıllıard AQSh dollaryna baǵalanady.
Sarapshylardyń boljamynsha, bul kórsetkish 2029 jylǵa qaraı 233,56 mlrd dollarǵa jetedi, bul rette ortasha jyldyq ósý qarqyny 6,02% quraıdy.
2021 jyly EAEO-ǵa múshe memleketterdiń úkimet basshylary organıkalyq aýyl sharýashylyǵy ónimderiniń ortaq naryǵyn qurý jónindegi «Jol kartasyn» bekitti. Bul qujat Odaq ishindegi organıkalyq ónimderdi taný jáne erkin saýda máselelerin sheshýge baǵyttalǵan.
«Jol kartasyn» iske asyrý sheńberinde Eýrazııalyq ekonomıkalyq komıssııa jáne qatysýshy elder EAEO elderiniń aýmaǵynda organıkalyq ónimdi taný týraly Kelisimniń jobasyn ázirledi.
17 qyrkúıekte taraptar osy joba boıynsha eskertýler men usynystardy talqylady. Negizgi máselelerdiń biri «Alımentarıýs kodeksi» sııaqty halyqaralyq standarttar boıynsha sertıfıkattalǵan ónimderdi ózara taný boldy.
Kelisim qabyldanǵannan keıin óndirýshiler óz ónimderiniń belgilengen standarttarǵa sáıkestigin rastaıtyn sertıfıkattar ala alady. Bul 185 mln halqy bar EAEO elderi arasynda organıkalyq ónimderdiń erkin saýdasyn qamtamasyz etedi. Qazaqstandyq kásipkerler úshin bul organıkalyq ónim eksporty úshin jańa múmkindikter ashady.
Sertıfıkattardy ózara taný EAEO elderiniń naryqtaryna qoljetimdilikti jeńildetedi, bul eksporttyq áleýetti arttyrýǵa jáne Qazaqstannyń halyqaralyq arenadaǵy pozıtsııasyn nyǵaıtýǵa múmkindik beredi.
«Kelisimge qol qoıý 2025 jyly josparlanyp otyr. Ol adal básekelestikti damytýǵa, organıkalyq ónimderge qoljetimdi baǵany qamtamasyz etýge jáne tamaqtaný sapasyn arttyrýǵa yqpal etedi», - delingen habarlamada.
EAEO elderi ónerkásiptik kooperatsııany yntalandyrýdy qolǵa alady.