EAEO-da ónerkásip ónimderin úshinshi elderge jyljytý boıynsha qosymsha sharalar qolǵa alynbaq

MÁSKEÝ. QazAqparat - Eýrazııalyq ekonomıkalyq komıssııa alqasynyń otyrysynda Eýrazııalyq ekonomıkalyq odaq memleketteriniń ónerkásip ónimderin úshinshi elderdiń naryǵyna ilgeriletý jónindegi qosymsha is-sharalar tizbesi qabyldandy. Bul týraly QazAqparat EEK baspasóz qyzmetine silteme jasap.

«EAEO-da eksport úshin zamanaýı synaq bazasyn ulǵaıtý - bizdiń óndirýshilerdiń syrtqy naryqtaǵy eksporttyq qyzmetiniń nátıjeliligi sheshilýine baılanysty ózekti mindetterdiń biri. Bul úshinshi elderdegi sertıfıkattaý shyǵyndaryn azaıtýǵa jáne aǵymdaǵy ekonomıkalyq jaǵdaıda Odaq óndirýshileriniń básekege qabilettiligin saqtaýǵa múmkindik beredi», - dep atap ótti EEK ónerkásip jáne agroónerkásip kesheni mınıstri Artak Kamalıan.

EEK alqasy qabyldaǵan usynys EAEO elderiniń salalyq jáne eksporttyq basymdyqtaryn eskere otyryp, ónerkásip ónimin jetkizýdiń perspektıvalyq baǵyttary týraly sertıfıkattaýshy uıymdardy habardar etýge kómektesedi, sondaı-aq Odaqta eksportty qoldaýdyń jańa tetikterin damytýǵa yqpal etedi.

«Osy usynys EAEO ónerkásip salasynyń eksporttyq áleýeti turǵysynan Odaq elderiniń synaq zerthanalary úshin marketıngtik aqparat sanalady. Osy qujatty qabyldaý arqyly olarǵa birqatar máseleler boıynsha, mysaly, qaı akkredıttelgen sertıfıkattaýshy uıymdarmen jáne qandaı naqty taýar boıynsha synaq qyzmetterin kórsetý týraly sharttar jasasý turǵysynan kelissózder júrgizý oryndy bolady», - dep qorytyndylady Artak Kamalıan.