EAEO-da balalarǵa arnalǵan balyq ónimderine talaptar kúsheıtiledi
Bul týraly elordadaǵy «Etalon ortalyǵynda» QR AShM Veterınarlyq baqylaý jáne qadaǵalaý komıteti Tamaq ónimderi jáne orny aýystyrylatyn nysandar qaýipsizdigi basqarmasynyń basshysy Aleksandr Razzarenov málim etti, dep habbarlaıdy QazAqparat.
«Balalar úshin taǵamdyq balyq ónimderin tek bólek tsehtarda ǵana óndirýge bolady. Birden úsh jasqa deıingilerge bólek jeli nemese basqa aýysym qajet. Atap aıtqanda, balalar taǵamyna talaptar jalpy erejege qaraǵanda ózgesheleý»,-dedi ol EAEO aýmaǵynda balyq ónimderin óndirýge, saqtaýǵa jáne satýǵa qatysty engizilip otyrǵan jańa talaptardy túsindirý barysynda.
Budan bólek ol ázirlengen biryńǵaı tehnıkalyq talaptarda kememen balyq aýlaýǵa qatysty protsesti reglamentteıtin bólim bar ekenin atap ótti.
«Bul aýlaýdyń ereksheligine qatysty, sebebi ónimniń basym bóligi aýlanatyn balyqtardan jasalady. Sondyqtan osy turǵyda kemeler men ondaǵy óndiristi uıymdastyrýǵa baılanysty tikeleı talaptar bolýy tıis. Osy rette kemede balyq 8 saǵattan astam saqtalatyn bolsa, onda tońazytqyshtarmen jabdyqtalýy kerek»,-dep túsindirdi Aleksandr Razzarenov.
Budan buryn habarlanǵandaı, 2017 jylǵy 1 qyrkúıekten bastap Eýrazııalyq ekonomıkalyq odaq aýmaǵynda balyq jáne balyq ónimderin óndirýge, saqtaý men satýǵa qatysty jańa talaptar kúshine enedi.