EAEO-da aqparattyq júıelerdi jedel ıntegratsııalaý kerek - Abylaı Myrzahmetov
«EAEO-ǵa qatysýshy elder arasynda aqparattyq júıelerdiń áli kúnge deıin ıntegratsııalanbaǵany tańdandyrady. Atap aıtqanda, tsıfrlandyrý, taýarlardy tańbalaý sharlaryn aıtyp júrsek te negizgi memlekettik organdardyń ortaq bazasy joq. Áli kúnge deıin rásimder qaǵaz júzinde bekitilýde. Osy oraıda kóterilip otyrǵan bul máselege aıryqsha ekpin qoıýǵa shaqyramyn», - dedi A. Myrzahmetov «Atameken» UKP-daǵy Qazaqstannyń bıznes-qoǵamdastyǵymen dıalog alańynda bolǵan talqylaýda.
Budan buryn habarlanǵandaı, Eýrazııalyq ekonomıkalyq komıssııanyń básekelestik boıynsha Alqa múshesi (mınıstri) Serik Jumanǵarın EAEO aıasynda saýda erejelerin buzǵandar týraly aıtyp berdi.
Sonymen qatar ol kásipkerler úshin biraz kedergiler bar ekenin jáne olardyń jartysy zańdy bolsa, jartysy zańsyz ekenin atap ótti.
«Zańsyz kedergilermen qalaı kúresýge bolady? Bul turǵyda quzyrly organǵa shaǵym túsirip, ol shaǵymdar komıssııaǵa shyǵarylady. Kedergi jasap otyrǵan memleketke qatysty sheshim qabyldanady. Bul sheshimdi olar úsh aıdyń ishinde oryndaýy tıis. Al oryndamasa, keńestiń qaraýyna usynamyz, másele joǵary deńgeıde talqylanady», - dedi S. Jumanǵarın.