EAEO-da agroónerkásiptik saıasat jónindegi keńes qurylady

ASTANA. QazAqparat - Eýrazııalyq ekonomıkalyq odaqta (EAEO) agroónerkásiptik saıasat jónindegi keńes qurylady. «Altyn kúz» 19-shy Reseı agroónerkásip kórmesiniń aıasynda uıymdastyrylǵan Odaqqa múshe memleketterdiń aýyl sharýashylyǵy mınıstrleriniń kezdesýinde osyndaı sheshim qabyldandy, dep habarlaıdy «QazAqparat» HAA EEK baspasóz qyzmetine silteme jasap.

Eýrazııalyq ekonomıkalyq komıssııanyń Ónerkásip jáne agroónerkásip jónindegi alqasynyń múshesi (mınıstr) Sergeı Sıdorskııdiń pikirinshe, Keńestiń qurylýy AÓK strategııalaryn, baǵyttary men perspektıvalaryn aıqyndaýǵa, Odaqtyń agrarlyq naryǵyn damytýǵa múmkindik beredi. «Eýrazııalyq ekonomıkalyq odaqtyń agrarlyq sektory byltyr 4,5% damyǵan bolsa, bıylǵy ósim 1,5%-ti qurap otyr», - dedi ol.

EAEO tarıhyndaǵy aýyl sharýashylyǵy mınıstrleriniń alǵashqy kezdesýinde EEK Alqasynyń músheleri (mınıstrler) Sergeı Sıdorskıı, Veronıka Nıkıshına jáne Valerıı Koreshkov qatysty.

Qatysýshylar budan tys Odaqtyń úshinshi eldermen preferentsıaldyq kelisimder jasasýǵa kózqarastaryn qalyptastyrý, ózara saýda-sattyqty yntalandyratyn veterınarlyq-sanıtarlyq baqylaý máseleleri de qaraldy.