EAEO birlesken kooperatsııalyq jobalardy yntalandyrýǵa nıetti
Indýstrııa jáne agroónerkásiptik keshen mınıstri hatshylyǵynyń habarlaýynsha, qabyldanǵan ereje jobalardy irikteý tártibi men sharttaryn, qaryz alýshylar men qarjy uıymdaryna qoıylatyn talaptardy, qatysýǵa ótinim berý rásimin, taraptardyń kooperatsııalyq jobalardy iske asyrýy men jaýapkershiligin aıqyndaıdy.- Bul mehanızm ónerkásipti ıntegratsııalyq damytý jolyndaǵy serpindi qadam bolmaq, óıtkeni ekonomıkanyń naqty sektorynda kooperatsııany yntalandyrý úshin ulttan joǵary qarjy quraly alǵash ret qalyptasýda, – dep atap ótti EEK ónerkásip jáne AÓK mınıstri Artak Kamalıan. - Ónerkásiptik kooperatsııaǵa qarjylaı járdemdesý baǵdarlamasy kópjaqty yntymaqtastyqty damytýdyń jańa jolyn ashady jáne elderimizdiń odan ári tehnologııalyq damýyna yqpal etetin bolady. Jańa tetik ónerkásiptik áleýetti damytý jáne nyǵaıtý úshin jınaqtalǵan áleýetti iske asyrýdy yntalandyrýǵa, onyń ishinde shaǵyn ekonomıkalar úshin jańa tehnologııalyq sheshimderdi ázirleýge jáne engizýge qoljetimdilikti qamtamasyz etýge kepildik berýge arnalǵan, bul óz óndiristik áleýetin ulǵaıtý jáne tutastaı eýrazııalyq keńistikte ıntegratsııalyq protsesterdi damytý úshin qajetti alǵysharttardy qalyptastyrady.
Jobalardy tańdaý krıterııleri birneshe negizgi sharttardy oryndaý arqyly júzege asady. Erejege sáıkes, joba bir nemese birneshe mańyzdy nátıjelerge qol jetkizýge baǵyttalýy kerek, máselen jańa kásiporyn qurý nemese ony qaıta jaraqtandyrý, qosylǵan qun tizbegin qalyptastyrý, eksportty ulǵaıtý, saýda nemese ınvestıtsııa kólemin ulǵaıtý. Al kásipkerler ony bes jyl merzimde iske asyrýy tıis.
– Kelesi jyldan bastap kooperatsııalyq jobalardy qoldaý baǵdarlamasy iske qosylady dep úmittenemiz. Bul úshin Odaq bıýdjetinen 1,8 mıllıardqa jýyq reseı rýbli bólingen jáne biz mehanızmdi tolyq iske qosý úshin qyzyqty jobalyq usynystardy kútemiz», - dep túsindirdi Artak Kamalıan.