EAEO aıasynda ǵylymı dárejeler avtomatty túrde ózara tanylady

<p>ASTANA. KAZINFORM &ndash; Búgin Májilistiń jalpy otyrysynda &laquo;Eýrazııalyq ekonomıkalyq odaqqa múshe memleketterde ǵylymı dárejeler týraly qujattardy ózara taný týraly kelisimdi ratıfıkatsııalaý týraly&raquo; Zańy qabyldandy.</p>

Kelisim Eýrazııalyq ekonomıkalyq odaqqa múshe memleketter azamattarynyń ǵylymı dárejelerin olardyń aýmaǵyndaǵy eńbek kóshi-qony aıasynda tanýdy kózdeıdi.

«Atap aıtqanda, EAEO qujatynda múshe elderdiń ǵylymı dárejeleri ár taraptyń ulttyq zańnamasyna sáıkes tanylatyny jazylǵan. Bul rette, jumys kúshiniń bostandyǵy shektelip turǵan edi. Sondyqtan osy kelisim 6-baptaǵy jaǵdaıdy qospaǵanda, ǵylymı dárejeler týraly qujattardy ulttyq taný rásimderinen ótkizbeı-aq moıyndaýdy usynady. ıAǵnı, EAEO-ǵa múshe elderde ǵalym bir memleketten basqasyna baryp, kelisimshart negizde ýaqytsha qyzmet etkende, sol kezde onyń ǵylymı dárejesi avtomatty túrde ózara tanylatyny eskerilgen», - dedi Ǵylym jáne joǵary bilim mınıstri Saıasat Nurbek.

Onyń aıtýynsha, kelisimdi iske asyrýdyń teris áleýmettik-ekonomıkalyq jáne quqyqtyq saldary joq, sondaı-aq memlekettik bıýdjetten qosymsha shyǵyndardy talap etpeıdi.