EAEO aýmaǵynda joǵary aýdıt organdary keden salasyn baqylamaq
Bul zań EAEO-ǵa múshe memleketterdiń ýákiletti organdarynyń Eýrazııalyq ekonomıkalyq odaqta kedendik ákelý bajdarynyń somalaryn esepke alý jáne bólý tártibin saqtaýyn baqylaýdy qamtamasyz etýge arnalǵan. Osy rette EAEO qyzmetiniń negizgi retteýshi tetikteriniń biri retinde kedendik ákelý bajdarynyń somalaryn esepke alý jáne bólý tártibin jetildirý basty mindetterdiń biri ekenin atap ótken jón.
«EAEO quramyndaǵy memleketterdiń joǵary aýdıt organdary múshe elderde atalǵan tártiptiń saqtalýyna qatysty birlesken baqylaý is-sharalaryn jyl saıyn ótkizip turady. Tıisti kelisim jobasyn Eýrazııalyq ekonomıkalyq komıssııasyna múshe elderdiń joǵary aýdıt organdary múddeli mınıstrlikter men vedomstvolar sarapshylarymen birlese ázirlegen bolatyn. Bul qujatqa EAEO-ǵa múshe memleketterdiń basshylary 2021 jyly qarashada qol qoıdy. Kelisimge sáıkes birlesken baqylaý is-sharalary aıasynda tıisti maqsattar qarastyrylǵan. Atap aıtqanda, kedendik ákelý bajdarynyń bólinýge kiretin somalaryn esepke jatqyzýy, ýákiletti organdardyń olardy tolyq ári ýaqytyly aýdarýy, sondaı-aq ýákiletti organdardyń kedendik ákelý bajdarynyń somalaryn bólý normatıvterin saqtaýy eskerilgen», - dedi QR Joǵary aýdıtorlyq palatasynyń múshesi Ardaq Teńgebaev.
Osy oraıda ol múshe memleketterdiń qazynashylyq qyzmetteri baqylaý is-sharasynyń obektileri bolyp aıqyndalǵanyn aıtty.
«Birlesken baqylaý is-sharasy jyl saıyn ótedi. Ony múshe memleketterdiń joǵary aýdıt organdarynyń ókilderinen quralatyn birlesken baqylaý toby júzege asyrady. Іs-shara qorytyndysy boıynsha jıyntyq esep qalyptastyrylyp, onda zań buzý faktileri, taldaý nátıjeleri, tıisti usynystar qamtylady», - dedi QR Joǵary aýdıtorlyq palatasynyń múshesi.
Onyń aıtýynsha, osy kelisimdi ratıfıkatsııalaý nátıjesinde tekserýdiń biryńǵaı tártibi bilgilenedi.